Urkunde Nr. 3749 aus Band VI

Seite im UB:

423

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1254 - Abt.42: K. A. Stolzenburg [Parohia Ev. CA Slimnic], Nr. 18.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3749

Pressburg 1469 Oktober 22 König Matthias beauftragt die Sieben und Zwei Stühle, den Grenzstreit zwischen Stolzenburg und Salzburg mit einer Grenzbegehung beizulegen.

Mathias dei gratia rex Hungariae, Bohemiae et cetera fidelibus nostris circumspectis magistris civium ac iudici et iuratis septem et duarum sedium Saxonicalium partium nostrarum Transsilvanarum salutem et gratiam. Exponitur nobis in personis fidelium nostrorum universorum Saxonum in villa nostra Zellendeck commorantium querulose, quomodo ipsi cum civibus oppidi nostri Wyzakna ratione cuiusdam particulae terrae certam erectionem metarum facere necessario haberent. Ideo fidelitati vestrae harum serie firmiter mandamus, quatenus statim receptis praesentibus tam dictos Saxones in villa nostra Zellendeck, quam etiam in oppido nostro¹⁾ Wysackna commorantes coram vobis vocare quibus et nos praesentium serie illac constitui mandamus, metasque inter eosdem de novo novas iuxta veteres in locis alias erectis erigere iuxta probabilia documenta et literalia instrumenta eorum debeatis. Secus facere non praesumatis. Praesentibus perlectis exhibenti restitutis. Datum Posonii die dominico proximo post festum beatarum undecim millium virginum, anno domini millesimo quadringentesimo sexagesimo nono, regni nostri anno duodecimo, coronationis vero sexto. Commissio domini regis.


1) Über der Zeile.^{^}