Urkunde Nr. 3723 aus Band VI

Seite im UB:

409-410

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 76.

Druckvorlage:

nach Original

Abdruck als:

Volltext

Sprache:

Latein

---

3723

Klausenburg 1469 Juni 29 Der siebenbürgische Vizewoiwode Dominik von Bethlen fordert den Bistritzer Rat auf, sich mit dem Aufgebot von Stadt und Pertinentien bei Borşa in der Gespanschaft Doboka zu sammeln.

Dominicus de Bethlen vicevaivoda Transsilvanus et comes Siculorum prudentibus et circumspectis iudicibus iuratisque senioribus totique communitati [S. 410] civitatis Bistriciensis et pertinentiarum eiusdem salutem cum honore. Post nostrum exhinc egressum variae rerum turbationes partibus istis evenire et praesertim Moldavienses latrunculi annuatim soliti sunt incolas partium istarum seducere partibus istis ut vobis notum est non mediocriter insidiantur, quibus huiuscemodi et aliis rationibus summopere urgentibus statuimus congregationem regnicolarum in oppido Thorda celebrare, ubi una vobiscum pro commodo huius regni rebus in praemissis conferamus. Quapropter vobis et universitati vestrae in persona domini vaivodae requirimus commitentesque eisdem firmiter, quatenus receptis praesentibus per singula capita vestra simulcum universis equitibus et peditibus vestris exercituantium more ad possessionem filiorum Bani de Losoncz Borsa vocatam in comitatu Doboca existentem, ad sabbatum diem iam proxime venturum¹⁾ convenire et congregare debeatis, ut loco ab eodem contra ipsos hostes nostros illac quo opus erit, proficisci valeamus. Secus facere non ausuri. Datum in Coluswar feria quinta proxima in die beatorum Petri et Pauli apostolorum, anno domini M^o CCCCLX^o nono.


1) Juli 1.^{^}