Urkunde Nr. 3706 aus Band VI

Seite im UB:

393-394

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 318.

Druckvorlage:

nach Original

Abdruck als:

Volltext

Sprache:

Latein

---

3706

Olmütz 1469 April 25 König Matthias teilt dem Steuereinnehmer Nikolaus, Archidiakon von Kokelburg mit, dass er den Sachsen von Hermannstadt und der Sieben Stühle den dritten Teil des für das vergangene Jahr fälligen Martinszinses erlassen hat.

Von der Kanzlei: Commissio propria domini regis. [S. 394]

Nos Mathias dei gratia rex Hungariae, Dalmaciae, Croaciae et cetera significamus tenore praesentium quibus expedit universis, quod nos considerata inopia et paupertate fidelium nostrorum prudentum et circumspectorum universorum Saxonum civitatis nostrae Cibiniensis ac septem sedium Saxonicalium partium Transsiluanarum regni nostri, in quas ipsi tum per saevissimos Turcos tum vero alios hostes partium earundem devenerunt, eisdem Saxonibus nostris tertiam partem census ipsorum ordinarii nobis circa festum beati Martini episcopi et confessoris in anno proxime transacto praeteritum e medio eorundem in argento provenire debentis gratiose duximus remittendum et relaxandum, immo et remittimus et relaxamus praesentium per vigorem. Quocirca tibi fideli nostro venerabili Nicolao archidiacono de Kykellew, exactori census praedicti, harum serie firmiter committimus et mandamus, quatenus praefatam tertiam partem dicti census per nos praefatis Saxonibus nostris modo praemisso gratiose relaxatam ab eisdem exigere aut ipsos ad solutionem eiusdem compellere vel propterea in personis ac rebus et bonis eorum quibusvis impedire et perturbare nullatenus praesumas. Praesentes tandem pro tua reserves expeditione. Datum in Olomucz in festo beati Marci evangelistae, anno domini millesimo quadringentesimo sexagesimo nono, regni nostri anno duodecimo, coronationis vero sexto.