Urkunde Nr. 3702 aus Band VI

Seite im UB:

389-390

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 296.

Druckvorlage:

nach Original

Abdruck als:

Volltext

Sprache:

Latein

---

3702

Bistritz 1469 April 22 Nikolaus, Archidiakon von Kokelburg, trägt dem Rat von Kronstadt auf, ihm den fälligen Martinszins dringend gegen Empfangsbestätigung auszufolgen.

Circumspecti viri amici nobis honorandi. Saepius scripsimus vobis in eo, ut vos censum vestrum fisco regio e medio vestri circa festum sancti Martini episcopi nunc praeteritum provenire debentem citissime exigere et nobis per duos ex vobis dirigere deberetis, ut nos personaliter serenissimo domino nostro regi praesentare possemus. De quibus hactenus uti videtur modicum vel nihil exinde facere curastis sed diversa allegastis, primo quod vobis superinde sufficientem [S. 390] quietantiam daremus, secundo quod serenitas regia pro diversis ecclesiis et alias multa de ipso censu defalcasset. Verum bene considerare potestis, quod ipsa serenitas regia ultra elapsum unius anni¹⁾ personaliter cum magna copia gentium extra metas regni huius exercituavit, ubi infinitum thesaurum pro defensione patriae istius exposuit et tunc penitus multum caret prout superinde regia maiestas literis suis mediantibus de et super solicitatione²⁾ et exactione vestri census nobis intimavit. Unde vestras amicitias praesentibus exoramus et ultimate precibus quibus possumus petimus, quatenus statim et absque omni mora census vestros per duos ex vobis plene et integre ac absque aliqua diminutione nobis transmittere velitis, uti nos valeamus citissime post maiestatem regiam administrare, ubi vobis sufficientem quietantiam dare non recusamus. Alioquin sciatis, quod nos post dominum nostrum regem hiis diebus profecturi sumus et tandem vobis ipsos census domino nostro regi per magnam distantiam loci deferre haberitis. Secus si gravissimam indignationem domini nostri regis evitare formidatis non facturi. Ex Bystricia sabbatho proximo ante festum beati Georgii martiris, anno et cetera LX nono.

<ze<Nicolaus, archidiaconus
de Kykellew et cetera.

Auf der Rückseite Adresse: Circumspectis iudici et iuratis civibus ac toti consuli civitatis regalis Brassowyensis amicis nobis honorandis et cetera.


1) Vorlage ein Schaft zuviel.^{^}
2) Vorlage sollitacionis. ^{^}