Urkunde Nr. 3699 aus Band VI

Seite im UB:

388

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 297.

Druckvorlage:

nach Original

Abdruck als:

Volltext

Sprache:

Latein

---

3699

Olmütz 1469 April 16 König Matthias trägt den Sachsen der Sieben und Zwei Stühle auf, den fälligen Martinszins des Vorjahres an Nikolaus, Archidiakon von Kokelburg, abzuführen.

Von der Kanzlei: Commissio propria domini regis,

Mathias dei gratia rex Hungariae, Dalmaciae, Croatiae et cetera fidelibus nostris universis et singulis septem et duarum sedium Saxonicalium Saxonibus salutem et gratiam. Quia nos illum censum, quem vos in festo beati Martini episcopi et confessoris in anno proxime praeterito [in] ¹⁾ argento de medio vestri maiestati nostrae provenientem exoluere debuissetis, ad requisitionem vestram ad festum beati Georgii martiris proxime venturum²⁾, per vos effective exolvendum distulimus. Ideo fidelitati vestrae harum serie firmiter mandamus, quatenus statim receptis praesentibus nullis aliis literis et mandatis nostris superinde expectatis praefatum censum fideli nostro venerabili Nicolao archidiacono de Kikellew aut hominibus suis praesentium scilicet ostensori citissime et sine ullo defectu exolvere debeatis. Nec moram aliquam in hac re facere audeatis. Praesentibus perlectis exhibenti restitutis. Datum in Olomucz die dominico proximo post festum beatorum Tiburtii et Valeriani martirum, anno domini millesimo quadringentesimo sexagesimo nono, regni nostri anno duodecimo, coronationis vero sexto.

Auf der Rückseite gleichzeitig: Prorogatoria census argenti et cetera.


1) Lücke 6 mm.^{^}
2) April 24.^{^}