Urkunde Nr. 3686 aus Band VI

Seite im UB:

379

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 191.

Druckvorlage:

nach Original

Abdruck als:

Volltext

Sprache:

Latein

---

3686

Brünn 1469 März 6 König Matthias befreit die Gemeinde Weidenbach wegen Brandschaden für zwei Jahre von allen Steuern.

Von der Kanzlei: Commissio propria domini regis.

Nos Mathias dei gratia rex Hungariae, Dalmaciae, Croaciae et cetera memoriae commendamus tenore praesentium significantes quibus expedit universis, quod nos tum ad nonnullorum fidelium nostrorum humillime supplicationis instantiam pro parte populorum et inhabitatorum in possessione Wydembach vocata in pertinentiis civitatis nostrae Brassouiensis existente commorantium, tum et praecipue pro eo, quod ipsa possessio his diebus proxime praeteritis ignis voragine penitus consumpta fuisset, ipsam possessionem Vydembach ac consequenter populos et inhabitatores in eadem pro tempore constitutos a die datarum praesentium usque ad duorum annorum spatium a solutione quarumlibet taxarum, constributionum et collectarum duximus eximendos et supportandos, imo eximimus et supportamus praesentium per vigorem. Quocirca vobis fidelibus nostris dicatoribus et exactoribus quarumlibet contributionum et taxarum tam ordinariarum¹⁾ qam extraordinariarum¹⁾ pro tempore constituendis harum serie firmiter committimus, quatenus habita praesentium notitia infra dictorum duorum annorum spatia nullam taxam, contributionem seu collectam ab ipsis populis et incolis dictae possessionis Vydembach exigere aut ipsos ratione non solutionis eorundem in personis rebusque et bonis eorum impedire, molestare aut quoquomodo damnificare nequaquam praesumatis harum nostrarum vigore et testimonio praesentium mediante: secus non facturi gratiae nostrae sub obtentu. Datum Brunnae feriae secunda proxima post dominicam Oculi, anno domini millesimo quadringentesimo sexagesimo nono, regni nostri anno duodecimo, coronationis vero quinto.

Rechts unten von den Kanzlei: Johanne Ernst referente. [S. 380]


1) Gebessert aus ordinariorum bzw. extraordinariarum. [2x]^{^}