Urkunde Nr. 3673 aus Band VI

Seite im UB:

371-372

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. DDD 2.

Druckvorlage:

nach Original

Abdruck als:

Volltext

Sprache:

Latein

---

3673

Brünn 1469 Februar 3 König Matthias verbietet den Geistlichen der Weissenburger Kirche, die Bewohner von Klausenburg in ihren Rechten und Freiheiten zu kränken oder sie vor ihr Gericht zu ziehen.

Nos¹⁾ Mathias¹⁾ dei gratia rex Hungariae, Dalmaciae, Croaciae et cetera omnibus Christi fidelibus tam praesentibus quam futuris praesentium notitiam habituris salutem in omnium salvatore. Ratio expostulat aequitatis, ut regalis serenitas rares suae maiestatis in suorum personas mittat fidelium, ipsisque iuste petentibus et fidem fideliter tenentibus, munus largifluae clementiae tribuat affluenter, tanto enim suorum corda fidelium, sibi redduntur devotiora, quando ad reddenda merita, regales animos inveniunt promptiores. Proinde ad universorum notitiam harum serie volumus pervenire, quod perfidelis noster circumspectus Nicolaus Sompol civis civitatis nostrae Coloswar nostrae maiestatis veniens in conspectum, in sua ac nominibus et in personis fidelium nostrorum universorum civium et inhabitatorum eiusdem civitatis nostrae Coloswar, per modum gravi querelae nobis significare curavit in hunc modum: Quod nonnulli fuissent praelatorum seu episcopi ecclesiae Albensis Transsiluanensis, qui ipsos in iuribus et antiquis libertatibus, laudabilibusque et approbatis consuetudinibus eorum per novalium adinventionibus diversimodo molestassent et impedivissent, in quibus iudicibilia et intollerabilia dampna, fatigas et expensas perpessi fuissent, pro eo ut ipsi cives et inhabitatores dictae civitatis nostrae Coloswar vinea in promontorio eiusdem civitatis existentia et quasi in fine ipsius civitatis circa umbracula deferenda, contra antiquas [S. 372] eorum libertates non decimarentur et praesertim blada in capeciis non redderentur, ac etiam ob non solutionem tributariae solutionis in tenutis et tributis intra ambitum partium Transsiluanarum, signanter in pertinentiis dicti episcopatus Albensis Transsiluanensis. Qua re supplicatum extitit nostrae maiestati, ut ipsis superinde de remedio providere dignaremur opportuno. Nos itaque humilimis et supplicationibus eorundem civium modo quo supra nostrae maiestati porrectis, regia benignitate exauditis et clementer admissis tum etiam ex eo, quod favente divina clementia in eadem civitate nostra Coloswar feliciter nati sumus, pro eo ipsa nostra civitas non minus, quam aliae liberae regalesque nostrae civitates de gratia nostra speciali dignis laudibus excellentioribusque honoribus ac virtutibus extolli, et meritis condignis retributionibus prosequi possit, id gratiose duximus annuendum et concedendum, ut ipsi cives et inhabitatores praedictae nostrae civitatis Coloswar amodo et in posterum temporibus successivis vina decimalia in promontoriis civitatis existentia sub vineis aut circa torcularia veras iustas et bonas decimas dare debeant et teneantur, similiter et blada in manipulis circa capecias iuxta priorem consuetudinem eiusdem civitatis hactenus observatam, non obstantibus aliquibus literis nostris datis vel dandis. Tributariam vero solutionem intra ambitum partium²⁾ Transsiluanarum iuxta indulta nostrae maiestatis ac aliorum divorum regum ipsis gratiose concessa nullibi solvere teneantur, neque ab eis exigi valeant, quovis dicto colore quaesito. Volumus etiam, ut nullus praelatorum praedictae ecclesiae Albensis pro tempore constitutis aut constituendis valeat eos in libertatibus eorum inquietare, aut alicuius iudicio spirituali aut saeculari occasione praedicta iudicio attrahere, tandemque nullus iudicum tam spiritualium quam saecularium cuiuscumque status et conditionis praeeminentiae existant se ad haec intromittere debeat atque possit nisi ad nostrae maiestatis praesentiam sin vaivodis nostris praedictae Transsiluanensis examinationi reservando, immo annuimus et conferimus vigore harum literarum nostrarum et testimonio mediante. In cuius rei memoriam firmitatemque perpetuam literas nostras pendentis sigilii nostri minoris munimine roboratas eisdem duximus concedendas. Datum Brunnae in festo beati Blasii martiris, anno domini millesimo quadringentesimo LX^mo nono, regni nostri anno undecimo, coronationis vero quinto.

Mathyas rex, propria manu et cetera.


1) In verlängerter Schrift. [2x]^{^}
2) Fehlt in der Vorlage.^{^}