Urkunde Nr. 409 aus Band I

Seite im UB:

377-378

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

409

1[4]23 Dezember 20 ^a) Richter und Rath von Klausenburg bezeugen, dass Magister Jakob Bolkyscher ein Haus daselbst dem Schneider Sigmund verkauft hat.

[S. 378] Nos Thomas Ruffus iudex universitasque iuratorum consulum civitatis Coloswariensis memoriae commendamus tenore praesentium significantes quibus expedit universis, quod constitutis coram nobis prudentibus et circumspectis viris magistro Jacobo Bolkyscher ab una Sigismundoque sartore concivibus nostris parte ab altera et per eundem magistrum Jacobum nobis propositum exstitit vivae vocis oraculo pariter et relatum, quod ipse fundum seu domum suam inter dotem et aliam domum dicti magistri Jacobi sitam et habitam ex opposito ecclesiae nostrae parochialis, versus plagam occidentalem, cum quibuslibet suis utilitatibus et aedificiis universis et veris metis ad eandem pertinentibus, cum quibus praefatus magister Jacobus et sui condecessores eandem liberam possedissent et notanter cum muro doti continuo, qui olim et ex novo semper ad eandem domum sive dictum fundum noscitur pertinere, et in terra fundi venditi collocato, prout et nostri coniurati scilicet Johannes Rwtsch, Petrus Czekel et alter Johannes Popparth dicti post debitam visionem et metarum considerationem in praesentia honorabilis viri domini doctoris in medicinis Johanne Meyerleyn de Cionno tunc plebani nostri factam nobis concorditer retulerunt, dedisset et vendidisset praelibato Sigismundo et suis heredibus universis, immo contulit et dedit eandem domum pro ducentis florenis minus decem, quemlibet per centum denarios computandis et a dicto Sigismundo totaliter persolutis immo perpetuo et irrevocabiliter possidendam, tenendam pariter et habendam consensu etiam adhibito proximorum, nullum ergo dominium dictus magister Jacobus et heredes sui in praefata domo amplius reservando, sed totum ius et dominium memorato Sigismundo et suis heredibus perenniter conferendo. Adiicitque idem magister Jacobus, quod ante dictus Sigismundus et sui heredes et praetitulatus plebanus noster et sui successores canalia versus eandem dotem insimul aequalibus laboribus et expensis conservare perpetuis temporibus tenebuntur, sic canalia versus aliam domum ante dicti magistri Jacobi praefatus Sigismundus cum suis heredibus et ipse magister Jacobus cum suis successoribus similiter aequalibus laboribus et expensis etiam eins temporibus tenebuntur conservare. Assumpsit insuper magister Jacobus saepe dictus sui et heredum suorum in personis ipsum Sigismundum et suos posteros universos ab omnibus ratione dictae domus temporum in processu illegitime inquietare volentibus semper et ubique defendere suis laboribus propriis expensis. In cuius rei memoriam praesentes literas nostras maioris sigilli appensione in robur perpetuamque¹⁾ firmitatem duximus concedendas. Datum in vigilia festi sancti Thomae apostoli, anno domini M^o CCC^ob) vigesimo tertio.


a) Nach Dinca -- Kovács, Ergänzungen 146 umdatiert statt: 1323 Dezember 20.^{^}
b) Wohl verschrieben statt CCCC.^{^}

1) Vorlage: perpetuumque.^{^}