Urkunde Nr. 3666 aus Band VI

Seite im UB:

367

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 287.

Druckvorlage:

nach Original

Abdruck als:

Volltext

Sprache:

Latein

---

3666

Ofen 1468 Dezember 26 König Matthias befiehlt den Verwaltern der Salzkammer in Salzburg, die Sachsen der Sieben Stühle in ihrem Recht dreimal im Jahr Milliarsalz zu beheben, nicht zu stören.

Mathias dei gratia rex Hungariae, Dalmaciae, Croaciae et cetera fidelibus nostris comitibus et sigillatoribus salium nostrorum camerae nostrae Wizakana salutem et gratiam. Exponitur nobis in personis universorum Saxonum in septem sedibus Saxonicalibus commorantium, quod licet antiqua libertatis eorum praerogativa a divis regibus Hungariae nostris scilicet praedecessoribus ipsis concessa requirente, tribus vicibus de dicta camera nostra sales miliatos ad coquinam ipsorum recipere possint, tamen vos non curata huiusmodi libertate eorum eisdem huiusmodi sales dare minime curassetis et nec curaretis etiam de praesenti. Et quia nos eosdem Saxones nostros in omnibus illis libertatibus et consuetudinibus, in quibus temporis divorum regum Hungariae nostrorum scilicet praedecessorum usi fuerunt conservare volumus, ideo fidelitati vestrae firmiter mandamus, quatenus receptis praesentibus universis Saxonibus in dictis sedibus commorantibus de modo in antea sales miliatos iuxta priores ipsorum libertates et consuetudines dare debeatis. Nec secus facere praesumatis. Et haec volumus per futuros comites et sigillatores dictae camerae nostrae firmiter observari, praesentesque perlectas semper reddi praesentanti. Datum Budae in festo beati Stephani prothomartiris, anno domini millesimo quadringentesimo sexagesimo octavo, regni nostri anno undecimo, coronationis vero quinto.

Ad relationem Johannis Ernsth.

Auf der Rückseite von gleichzeitiger Hand: pro salibus miliatis. [S. 368]