Urkunde Nr. 3658 aus Band VI

Seite im UB:

363-364

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 190.

Druckvorlage:

nach Original

Abdruck als:

Volltext

Sprache:

Latein

---

3658

Pressburg 1468 Oktober 8 König Matthias verbietet den Steuereinnehmern, die Bewohner von Kronstadt und dem Burzenland bis zum künftigen Georgstag mit der Zahlung des Martinszinses zu belästigen, da er wegen der 80-Denar Taxe die Zahlung des Martinszinses aufgeschoben habe.

Von der Kanzlei: Commissio domini regis.

Nos Mathias dei gratia rex Hungariae, Dalmaciae, Croaciae et cetera significamus tenore praesentium quibus expedit universis, quod nos tum ad suppli-[S. 364]cationem nuntiorum fidelium nostrorum universorum civium et totius communitatis civitatis nostrae Brassouiensis et terrae eius Barcza, per eos nobis superinde factam, tum vero ex eo, ne iidem cives et communitas propter praesentem taxam octoginta denariorum praesentis nostrae monetae, quae per universos praelatos et barones et de unoquoque comitatu regni nostri electos nobiles per totum regnum nostrum et in partibus nostris Transsiluanis de singulis portis in proximo exigi debere instituta est, in solutione censuum eorum ordinariorum, quos circa festum beati Martini episcopi et confessoris proxime venturum nobis solvere deberent, nimium aggraverentur, eisdem Saxonibus solutionem huiusmodi censuum eorum ordinariorum ad festum beati Georgii martyris proxime affuturum duximus transferendam, imo transferimus praesentium per vigorem. Quocirca vobis fidelibus nostris dicatoribus et exactoribus censuum praefatorum harum serie firmiter mandamus, quatenus receptis praesentibus praefatos cives et communitatem civitatis nostrae Brassouiensis et terrae Barcza infra tempus praedictum ad solutionem huiusmodi censuum eorum ordinariorum artare et compellere aut ipsos propterea in personis ac rebus et bonis eorum quibusvis impedire et perturbare aut quovismodo dampnificare non praesumatis. Praesentibus perlectis exhibenti restitutis. Datum Posonii sabbato proximo post festum beati Francisci confessoris, anno domini millesimo quadringentesimo sexagesimo octavo, regni nostri anno undecimo, coronationis vero quinto.