Urkunde Nr. 3643 aus Band VI

Seite im UB:

353-354

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 281.

Druckvorlage:

nach Original

Abdruck als:

Volltext

Sprache:

Latein

---

3643

Hermannstadt 1468 September 21 Der siebenbürgische Woiwode Johannes Pongracz verbietet allen Rechtsinhabern des Landes, reisende Hermannstädter mit ihren Waren festzunehmen oder vor ihr Gericht zu ziehen und verweist sie in Rechtsfällen an das Hermannstädter Gericht.

Johannes Pangracz de Dengeleg vaivoda Transsilvanus Siculorumque comes universis et singulis praelatis, baronibus, comitibus, castellanis, nobilibus ipsorumque officialibus item civitatibus, oppidis et liberis villis ipsarumque rectoribus, iudicibus et villicis quibus praesentes ostenduntur debitam reverentiam cum honore. Cum iusti pro iniusti et innoxi pro reorum excessibus non debeant aliquatenus impediri, ideo vestras dominationes, fraternitates et amicitias praesentibus requirimus diligenter, quatenus dum et quando hac quotienscumque prudentes et circumspecti universi cives et coinhabitatores civitatis Cibiniensis vel alteri eorum seu familiares et homines ipsorum praesentium scilicet exhibituri pro victualium suorum necessaria acquisitione diversa climata regni perlustrando cum rebus et bonis mercimonialibus vel aliarum rerum quovis nomine vocitatis ad vestras terras, tenutas, possessiones, honores et officiolatus ac vestri in medium pervenirent vel alteri eorum perveniunt, extunc ipsos hominesque et familiares ipsorum ad quorumvis instantiam in personis iudicare vel vestro astare iudicatui compellere resque et alia quaevis bona merciomonialia aut quovis nominis vocabulo vocitatis praedictorum Cibiniensium arrestare sed prohibi facere nequaquam velitis nec praesumatis modo aliquali signanter pro debitis, delictis et excessibus aliorum. Si qui enim quidquam actionis vel quaestionis contra annotatos inhabitatores Cibinienses hominesque eorum et familiares praenotatos habent vel habuerint, hii id in praesentiam iudicis ceterorumque concivium dictae civitatis Cibiniensis legitime consequantur, ex parte quorum omnimodum contra ipsos querulanti meri iuris et [S. 354] iustitiae ac debitae satisfactionis complementum exhibetur prout dictabit ordo iuris. Praesentibus perlectis exhibenti semper restitutis. Datum Cibinii feria quarta in festo sancti Mathei apostoli, anno domini millesimo quadringentesimo sexagesimo octavo.