Urkunde Nr. 3641 aus Band VI

Seite im UB:

352

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 29.

Druckvorlage:

nach Original

Abdruck als:

Volltext

Sprache:

Latein

---

3641

Neumarkt am Mieresch 1468 September 6. ^a) Der siebenbürgische Woiwode Johann Pongracz verbietet den Törzburger Kastellanen, die Kaufleute aus der Walachei zu behelligen.

Johannes Pongracz de Dengeleg waywoda Transsiluanus Siculorumque comes nobilibus vicecastellanis nostris in castro Thercz per nos constitutis, salutem cum dilectione. Exponitur nobis in personis civium et inhabitatorum civitatis Brassouiensis admodum gravis querelae, quomodo vos omnes et universos negociatores, qui cum rebus eorum de Vlachya ad Brassouiam et inde iterum ad propria redeuntes plurimum impediretis resque et bona eorum iniuste et signanter arcus eorum manuales quos pro defensione ipsorum in latus eorum deferunt auferretis in praeiudicimum ipsorum exponentium et waywodae Transalpinensis nec non dampnum valde magnum, respectu cuius dictus waywoda Transalpinensis dictis populis Brassouiensibus similia et multo maiora dampna et dispendia facere permitteret. Demum enim aquas et siluas dictis Brassouiensibus in loco alias consueto liberas uti non permitteretis sed ipsos spoliaretis, vulneraretis et valde inepte plurimum perturbare non cessaretis rursusque populos et iobagiones in pertinentiis illius castri commorantes in silvis venare nec per vias semittas et calles ipsos custodire non permitteretis contra furos¹⁾ et latrones nec capita latronum per ipsos amputatores ad civitatem deferre ausi non essent pluraque nova inter prenominatos Brassouienses et pertinentes eorum inchonaretis quae omnia praemissa in contrarium libertatum ipsorum essent²⁾ dampnum valde magnum. Cum tamen neminem nostro honori subiectos, signanter extraneos nec per vos necque per alios questumque in ipsorum iustis iuribus dampnificare volumus, ideo vobis serie praesentium firmiter praecipientes mandamus, quatenus receptis praesentibus rebusque sic stantibus amodo deinceps dictos exponentes in nullis eorum iuribus uti praemisimus impedire, molestare, damnificare aut quoquomodo perturbare non debeatis, immo potius protegere, tueri et defensare debeatis nostra in persona ne de cetero ratione praevia ipsi nobis cogantur querulari. Et secus non facturi prout nostram indignationem evitare formidatis. Praesentibus perlectis exhibenti restitutis. Datum in opido Zekelwasarhel feria tertia proxima ante festum nativitatis virginis gloriosae, anno domini millesimo quadringentesimo sexagesimo octavo.

Unter dem Text von der Kanzlei: Commissio domini waywodae.

Auf der Rückseite in anderer Schrift, gleichzeitig: Pro castellanis, ut non impediant homines mercatores neque perturbent nostros in silvis et cetera. [S. 353]


a) Ausstellungsort im UB als: Tîrgu Mureş / Neumarkt.^{^}

1) Vorlage fures.^{^}
2) Hierauf zwei Buchstaben gestrichen.^{^}