Urkunde Nr. 3617 aus Band VI

Seite im UB:

339-340

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

3617

Weissenburg 1468 Mai 9 Nikolaus, Bischof von Siebenbürgen, trägt den Dechanten und Pfarrern des Bistritzer und Kiralyer Kapitels auf, ihre Pfarrkinder, die die Bezüge ihrer Pfarrschullehrer und Kirchendiener herabsetzen und diese selber bestellen wollen, mit dem Bann zu belegen.

Nicolaus dei et apostolicae sedis gratia episcopus Transsilvanus dilectis nobis honorabilibus et discretis viris dominis universis et singulis decanis, plebanis [S. 340] et ecclesiarum rectoribus in et sub decanatibus puta Bistritiensi et Kiralia ubivis constitutis et commorantibus salutem et paternam in domino benedictionem. Quia nos ex certis veridicorum relatibus et nostra certa scientia edocti sumus, quod universi vestri parochiani seu plebisani in vestris decanatibus ubilibet commorantibus ipsorum animarum salutis immemores contra deum et iustitiam eius ac in contemptum clavium praeiudiciumque domini decani et plebani vestri valde ingens proventus scholarum parochialium seu scholasticorum ac servitorum ecclesiarum vestrarum parochialium diminuere et debitam defalcationem ipsorum proventuum conarentur et facere praetendunt in ipsorum salutis animarum detrimentum valde magnum, sententiam excommunicationis de iure latam in aures minime formidantes. Hoc etiam adiungente, quod magistros scholarum vel scholasticos seu servitores ecclesiarum vestrarum parochialium sine consensu et annuentia vestris eligere et praeficere niterentur in vestri dedecus et praeiudicium valde multum. Super quo vestris dominationibus in virtute sanctae obedientiae praesentium serie et sub poena excommunicationis firmiter committimus et mandamus, quatenus habita praesentium notitia omnes et singulos praefatos vestros parochianos et plebisanos verbo nostro salubriter admoneatis, quos et nos tenore praesentium requirimus et monemus, ut ipsi a tale nefandissimo opere cessent et per amplius facere non praesumant quoquomodo, sed in pristino statu et forma permittant permanere. Alioquin habita una salutari admonitione omnes et singulos tales, qui huiusmodi mandatum nostrum infregerint aut non curaverint firmissime superposito ecclesiastico interdicto, quod inviolabiliter volumus observari in forma ecclesiae consueta praeter baptisma parvulorum primitiasque morientum et sanorum, quae nullatenus volumus denegari tamdiu duraturo donec de talibus nefandissimis operibus cessaverint aut de nobis aliud habueritis in mandatis. Datum Albae feria secunda proxima post festum apparitionis beati Michaelis archangeli, anno domini millesimo quadringentesimo sexagesimo octavo.