Urkunde Nr. 3609 aus Band VI

Seite im UB:

335

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 93.

Druckvorlage:

nach Original

Abdruck als:

Volltext

Sprache:

Latein

---

3609

Sächsisch-Regen 1468 April 25 Der siebenbürgische Woiwode Johann Pongracz fordert den Rat von Bistritz auf, das Heeresaufgebot rasch nach Broos zu schicken, wo ein Türkeneinfall droht.

Johannes Pongracz de Dengeleg vaivoda Transsilvanus et comes Siculorum prudentibus et circumspectis iudici iuratisque civibus et consulatui necnon toti communitati civitatis Bistriciensis et pertinentiarum eiusdem salutem cum honore. Tam binae post sese literae banorum Zewreniensium cum certis novitatibus ex parte Thurcorum hodierna die ad nobis¹⁾ pervenerunt, quod Thurci ingenti cum apparatu et multitudine in vado Posisyn per Danubium transfretassent voluntque istas partes hostiliter invadere Transsilvanas. Nos autem qui vice regia custodiam istarum partium habemus in specie contra dictos hostes opus est nobis commovere et de remedio providere. Igitur universitati vestrae regia in persona sub perpetuae infidelitatis poena firmiter praecipiendo mandamus, quatenus statim receptis praesentibus alio mandato et literis nostris superinde non expectatis incontinenti per singula capita vestra simulcum universis equitibus et peditibus vestris armis bellicis bene dispositi more exercituantium remota omni dilatione insurgere, iter arripere et penes nos ad partes inferiores ad Zazwaras, quo iam nos ab hinc iter contra hostes arripimus absque mora celeriter venire et proficisci modis omnibus debeatis et teneanimi. Secus ergo poena sub praemissa facere non praesumatis. Datum in Regen secundo die festi beati Georgii martyris, anno domini et cetera LX^mo octavo.

Auf der Rückseite von gleichzeitiger Hand: Bystriciensibus.


1) Gebessert aus nos.^{^}