Urkunde Nr. 3606 aus Band VI

Seite im UB:

333-334

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 274.

Druckvorlage:

nach Original

Abdruck als:

Volltext

Sprache:

Latein

---

3606

Sächsisch-Regen 1468 April 24 Der siebenbürgische Woiwode Johannes Pongracz ersucht den Rat von Hermannstadt, die Bewegungen der Türken auszukundschaften und das Aufgebot der Sieben Stühle in Bereitschaft zu halten.

Prudentes et circumspecti amici dilecti. Cum saepius vestros homines in regno Valachiae in partibus scilicet Transalpinis missos habeatis iidem de novitatibus eorundem partium vos continue poterunt reddere certificatos. Vos autem, quae in eisdem partibus Transalpinis de facto Thurcorum gerantur novitates, nil nobis ex hinc intimatis, unde et vobis non mediocriter habemus imputare. Itaque hodierna die novitates nobis ex parte dictorum Thurcorum advenere, ut ipsi Thurci comportatis in unum omnibus vadis Danubii viribusque eorundem agregatis satis copiosa cum multitudine mollirentur istas partes Transsiluanas hostiliter subintrare. Et quia nos, qui vice regia ex nostro officio curam partium istarum habeamus, intendere pervigilem opus est erga nobis huiusmodi hostium conatibus volente deo remedio obviare opportuno. Mandamus [S. 334] ergo vobis regia in persona, quatenus homines vestros deputetis ad easdem partes Transalpinas pro experienda et referenda novitatum qualitate, qui repertis novitatibus tam ex parte Turcorum et aliorum ferant et referant verissimas novitates, et quas¹⁾ mox, ut quam primum habueritis novitates, illico remota dilatione suo modo ad rem nobis intimare velitis et debeatis. Praeterea et Saxones septem sedium exercituantium more cum omnibus attinentiis bellicis dispositos teneatis, ut cum necesse fuerit, penes nos cum aliis regnicolis insurgant, una nobiscumque eant, quo opus erit et necesse pro defensione reipublicae partium istarum Transsiluanarum. Hoc idem et aliis regnicolis palam indiximus et fecimus promulgari. Datum in Regen in festo beati Georgii martyris, anno domini millesimo quadringentesimo LX^mo octavo.

Johannes Pongracz de Dengeleg
vaivoda Transsiluanus et comes Siculorum.

Auf der Rückseite Adresse: Prudentibus et circumspectis magistro civium, iudici iuratisque civibus et consulatui civitatis Cibiniensis amicis nobis dilectis.


1) Hierauf gestrichen cunctis.^{^}