Urkunde Nr. 3604 aus Band VI

Seite im UB:

332-333

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 180.

Druckvorlage:

nach Original

Abdruck als:

Volltext

Sprache:

Latein

---

3604

Tövis 1468 April 5 ^a) Richter und Rat von [Tövis / ] Teiuş empfehlen dem Hermannstädter Rat den Kürschner Jakob als Bevollmächtigten zweier Mitbürger zur Beilegung ihrer Schuldforderungen.

Amicitiam paratam debita cum honoris complacentia. Sapientes ac circumspecti nobis sincere diligendi atque honorandi. Noveritis quod circumspectus Caspar noster concivis, filius et Margaretha filia condam Alexi de eadem civitatte Cybiniensi exhibuerunt nobis quasdam literas regias, in quibus continebatur, quomodo providus condam Lucas Toth dictus de eadem civitate Cibiniensi ratione ac praetextu cuiusdam fundi ac domus ipsorum videlicet Caspar ac Margarethae sexaginta duobus florenis auri ipsis obligabatur, quos dudum ipse condam Lucas Toth aut sui successores et haeredes ipsis praenotatis Caspar ac Margarethae persolvere habuissent, prout clarius et evidentius in aliis ipsorum literis videbitis. Sed cum ipsis praescripti Caspar videlicet et domina Margaretha rationabiles propter earum causas illuc ire nequiunt pro parte et in personis¹⁾ ipsorum hunc providum Jacobum pellificem nostrum concivem pro huiusmodi dispositione et negocio ipsorum coram vobis transmisserunt, ita ut quisquid per ipsum Jacobum pellificem coram vobis in hac parte actum, factum et procuratum fuerit, ratum et firmum se promittunt habituros. Quare praelibatam circumspectionum vestrarum dominationem ac amicitiam praesentibus requirimus diligenter, quatenus saepefato Iacobo pellifici nominibus et in personis dictorum Caspar filii²⁾ et dominae Margarethae filiae condam Alexi in eadem civitate Cybiniensi commorantes coram vobis constituto ex parte ipsius Lucae Toth aut suorum haeredum et successorum iuxta continentiam aliarum literarum suarum meri iuris et iustitiae administrationem domini nostri magnifici Johannis Pangracz de Dengeleg et cetera nostraeque similis complacentiae ob respectum facere velitis et dignemini. Datum in Thyws feria tertia proxima post festum beati Ambrosii confessoris, anno domini millesimo quadringentesimo sexagesimo octavo.

Ffabianus iudex ceterique
iurati de Thyws. [S. 333]

Auf der Rückseite Adresse: Sapientibus ac circumspectis magistro civium ac iudici et iuratis civibus Cybiniensibus dominis et fratribus nobis sincere diligendis atque honorandis.


a) Ausstellungsort im UB als: Teiuș.^{^}

1) Über der Zeile, darunter nominis gestrichen.^{^}
2) Vorlage fili. ^{^}