Urkunde Nr. 402 aus Band I

Seite im UB:

372-373

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 2164.

Druckvorlage:

nach Original

Abdruck als:

Volltext

Sprache:

Latein

---

402

1323 Mai 5 Das Weissenburger Kapitel bezeugt, dass Michael von Salzburg das ihm gehörige Vierttheil der Besitzung Ringelkirch seinem Bruder Alardus verkauft hat.

Capitulum ecclesiae beati Mychaelis archangeli Transsiluanae universis Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam praesentium tenore volumus pervenire, quod constitutis coram nobis Mychaele filio comitis Alardi de Vyzakana ab una parte et comite Alardo fratre suo ex altera idem Mychael confessus est oraculo vivae vocis, quartam partem portionis villae ac possessionis Rengurkyrh vocatae ipsum Mychaelem contingentem cum omnibus utilitatibus suis videlicet terris arabilibus, fenetis, silvis, nemoribus et aquis vendidisse¹⁾ et dedisse, et coram nobis vendidit et dedit praedicto comiti Alardo fratri suo de consensu fratrum suorum, Nicolai videlicet, Johannis plebani de Parvo horreo et Ladislai ac Salomonis filii Salamonis fratris sui et per eum suis heredibus heredumque suorum successoribus pro quinquaginta marcis fini argenti plene habitis et perceptis ab eodem iure perpetuo et irrevocabiliter possidendam, tenendam pacifice et habendam; [S. 373] obligans se idem Mychael ab Omnibus processu temporum eundem comitem Alardum et heredes suos ratione dictae quartae partis terrae seu possessionis Rengurkyrh nuncupatae eidem comiti Alardo per ipsum venditae impetere vel inquietare seu impedire volentibus per omnia expedire propriis laboribus et expensis et in pacifica possessione dictae quartae partis terrae Rengurkyrh oundem comitem Alardum fratrem suum indefesse conservare. In cuius rei testimonium perpetuamque firmitatem ad instantiam et petitionem partium praedictarum literas nostras praesentes concessimus sigilli nostri munimine roboratas. Datum in festo ascensionis domini, anno eiusdem millesimo trecentesimo vicesimo tertio. Nicolao praeposito, Sancto cantore, Thoma custode, Adriano archidiacono de Kyzdy decano ecclesiae nostrae existentibus.


1) Vorlage: vendisse.^{^}