Urkunde Nr. 3598 aus Band VI

Seite im UB:

329

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

3598

Erlau 1468 März 7 König Matthias gestattet den Bistritzern, den Martinszins selber einzusammeln und den Vertretern des Königs zu übergeben.

Von der Kanzlei: Commissio domini regis.

Nos Mathias dei gratia rex Hungariae, Dalmaciae, Croaciae et cetera memoriae comendamus tenore praesentium significantes quibus expedit universis, quod nos accepta supplicationem fidelis nostri circumspecti Ladislai iudicis per eum in sua ac iuratorum ceterorumque civium et totius communitatis civitatis nostrae Bistriciensis personis nobis propterea facta, eisdem id annuimus, ut ipsi a modo in posterum semper futuris temporibus census ipsorum ordinarios, circa festum beati Martini episcopi et confessoris¹⁾ nobis annuatim de medio ipsorum provenientes, per se de medio eorum recolligere et maiestati nostrae vel hominibus nostris, quos nos in medium eorum pro ipsis censibus deputaremus, dare et assignare possint, immo annuimus praesentiam per vigorem. Quocirca vobis fidelibus nostris universis et singulis dicatoribus et collectoribus praedictorum censuum nostrorum ordinariorum per nos ad id deputandorum praesentibus et futuris praesentium notitiam habituris firmiter mandamus, quatenus a modo in posterum ad exigendum et recolligendum huiusmodi censuum aliquo modo vos ingerere non praesumatis, sed eosdem ipsis civibus nostris recolligere permittatis, et secus facere non praesumatis. Praesentibus perlectis exhibenti restitutis. Datae Agriae feria secunda proxima post dominicam Invocavit, anno domini millesimo quadringentesimo sexagesimo octavo, regni nostri anno undecimo, coronationis vero quarto.


1) November 11.^{^}