Urkunde Nr. 3589 aus Band VI

Seite im UB:

323-324

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. T 46.

Druckvorlage:

nach Original

Abdruck als:

Volltext

Sprache:

Latein

---

3589

Klausenburg 1468 Januar 19 König Matthias trägt den Adligen Georg, Johann und Michael von Losoncz auf, innerhalb eines Zeitraumes von 15 Tagen ihre Ansprüche auf den Zoll in Huedin nachzuweisen, den sie dort von den Bewohnern von Klausenburg erheben.

Von der Kanzlei: Propria commissio domini regis.

Mathias dei gratia rex Hungariae, Dalmaciae, Croaciae et cetera fidelibus nostris egregiis Georgio Losoncz, Johanni et Michaeli filiis condam Stephani bani de Losoncz ac eorum tributariis et officialibus et praecipue in Hwnyad et alias ubilibet in partibus Transsiluanis pro tempore constitutis salutem et gratiam. Quia nos ex privilegiis excelentissimorum principum praedecessorum scilicet nostrorum regum Hungariae coram nobis in specie exhibitis et per nos confirmatis fideles nostros circumspectos iudicem, iuratos et ceteros universos cives et inhabitatores civitatis nostrae Colosuar ab omni solutione quorumlibet tributorum tam in terris quam in aquis in partibus Transsiluanis ubilibet existentibus exigi solitorum et concessorum, tam quo ad personas proprias quam etiam quo ad res et bona ac mercimonia eorundem cuiuscumque generis et speciei existant, perpetuo exemptos esse comperimus. Ideo nos volentes eosdem in in praemissis ipsorum libertatibus illibate conservare fidelitati vestrae et cuiuslibet vestrum firmiter mandamus, quatenus de rebus et mercibus dictorum civium nostrorum, dum iidem vel aliquis eorum ad loca tributorum vestrorum¹⁾ pervenerint, nullum tributum nullamque tributariam exactionem recipere vel exigi facere debeatis, immo cum rebus et mercibus ipsorum quibuslibet semper et ubique in eundo et redeundo de locis dictorum tributorum vestrorum libere et absque omni tributaria solutione transire permittentes auxilium et iuvamen potius in locis opportunis eisdem impendentes. Alioquin si scilicet quipiam ex vobis vel super exactione huiusmodi tributorum antiquiora et officiora iura quam dicti cives nostri pro eorum praemissa exemptione habent se habere allegantes vel aliter quomodolibet secus quam superius mandavimus fecerint, volumus omnes tales vestrum non ad octavas, sed ad certum et brevem terminum iuxta antiquam consuetudinem temporibus condam domini Sigismundi imperatoris et regis ac aliorum praedecessorum nostrorum in discussione causarum factum tributorum concernentium observatam modo infrascripto contra dictos cives nostros evocari, mandantes firmiter omnibus et singulis capitulis et conventibus in illis comitatibus in quibus ut praefertur mandato nostro contrarium factum fuerit et alias ubilibet existente aut eisdem comitatibus propinquioribus praesentes literas nostras visuri. Quatenus dum per ipsos cives nostros praesentibus requirerentur ipsorum mittant hominem pro testimonio fidedignum quo praesente is ex nobilibus eorundem comitatuum quem similiter ipsi cives nostri praesentibus requisierint et cui nos superinde praesentibus firmiter mandamus [S. 324] tamquam homo noster ad id specialiter deputatus evocet praefatos Georgium filium dicti condam bani ac alios quoslibet praedictos contrarium mandato nostro facientes ad quindecimum diem a die huiusmodi evocationis computando in praesentiam²⁾ vayvodarum vel vicevayvodarum, ubi ipsi eotunc deo duce constituerentur, praemissa iura talium vestrum productura ac alias super praemissis rationem redditur litis pendentis signa foret inter ipsos non obstante. Insinuantes ibidem eisdem ut sive ipsi in dicto termino coram dictis vayvodis vel vicevayvodis nostris compareant et dicta iura sua producant sive non nos ad partis comparentis instantiam semota confidentia ulterioris prorogationis id faciemus in praemissis, quid iuri videbitur expedire. Et post haec huiusmodi evocationis seriem cum nominibus evocatorum ad terminum praedictum eisdem vayvodis vel vicevayvodis nostris per ipsum capitulum aut conventus vel aliquem eorum rescribi volumus et mandamus; praesentibus perlectis exhibenti restitutis. Datum in Kolosuar feria tertia proxima post festum beati Anthonii confessoris, anno domini millesimo quadringentesimo sexagesimo octavo, regni nostri anno decimo, coronationis vero quarto.


1) Hierauf gestrichen et vestrorum.^{^}
2) Hierauf gestrichen bonorum.^{^}