Urkunde Nr. 3561 aus Band VI

Seite im UB:

305-306

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 86.

Druckvorlage:

nach Original

Abdruck als:

Volltext

Sprache:

Latein

---

3561

Keisd 1467 November 4 König Matthias trägt dem siebenbürgischen Adel auf, Untertanen, die nach Entrichtung ihres Grundzinses von ihren Gütern in die Stadt Bistritz ziehen wollen, nicht zu behindern.

Von der Kanzlei: Commissio domini regis.

Mathias dei gratia rex Hungariae, Dalmaciae, Croaciae et cetera fidelibus nostris universis et singulis nobilibus et alterius cuiusvis status possessionatis hominibus partium Transsilvanarum regni nostri salutem et gratiam. Cum antiqua consvetudine dicti regni nostri Hungariae requirente, quilibet iobagio et iobagionalis conditionis homo, tam de nostris quam aliorum bonis habita licentia, iustoque terragio deposito ac aliis debitis suis persolutis ad bona et possessiones aliorum liberi sint morandi causa transire. Ideo fidelitati vestrae harum serie firmiter praecipientes mandamus, quatenus omnes iobagiones vestros, qui ut praefertur habita licentia iustoque terragio ac aliis debitis eorum persolutis de bonis vestris ad civitatem nostram Bistriciensem ac pertinentias suas morandi causa venire voluerint, eosdem libere et pacifice ire et trans-[S. 306] ire permittatis et permitti faciatis. Secus si feceritis, commisimus et praesentibus firmius committimus fideli nostro magnifico Johanni de Darcz, comiti Siculorum nostrorum, ut ipse vos et quemlibet vestrum ad praemissa facienda arcius compellat et astringat¹⁾ auctoritate nostra praesentibus ipsi in hac parte attributa et iustitia mediante. Secus ergo non facturi, praesentibus perlectis exhibenti restitutis. Datum in Zaazkyzd feria quarta proxima post festum omnium sanctorum, anno domini millesimo quadringentesimo sexagesimo septimo, regni nostri anno decimo, coronationis vero quarto.


1) Gebessert aus compellant et astringant. ^{^}