Urkunde Nr. 3533 aus Band VI

Seite im UB:

284-285

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 17.

Druckvorlage:

nach Original

Abdruck als:

Volltext

Sprache:

Latein

---

3533

Sarospatak 1467 Mai 29 Der iudex curiae Ladislaus von Palocz ersucht den Rat von Hermannstadt, ihm für das Kloster der Franziskanerobservanz in Sarospatak einen geeigneten Ziegelbrenner und Dachdecker zu verschaffen.

[S. 285]Honesti et prudentes viri amici nobis grate dilecti. Quia claustrum, fratrum minorum observantiae sancti Francisci in honorem gloriosisimae virginis Mariae in oppido nostro Pathak fundatum pro¹⁾ vetustate in tecturis tam ecclesiae quam aliorum aedificiorum demolitum et consumtum tendit ad ruinam, ideo tegulis et lateribus ad tegendum et coperiendum tecturas et etiam pro reformatione aliorum aedificiorum tam eiusdem claustri quam etiam domus nostrae ad murandum quamplurimum indigeret. Audivimus quoque apud vos magistros et laboratores bene expertos, qui ipsas lateres perfecte facere sciunt copiose haberi. Ecce itaque misimus hunc hominem nostrum ad civitatem vestram pro conducendis huiusmodi hominibus et laboratoribus. Petimus igitur amiciatias vestras ex singulari confidentia, quatenus hominem nostrum in ipsis factis nostris vobis commissum habendo dirigere velitis consilio et auxilio vestro eidem assistendo procurare ac efficere, ut unum bonum magistrum habere valeamus, qui ipsos lateres pro tecturis bene et perfecte laborare et etiam cum eisdem tegere sciat. Immo petimus amicitias vestras, ut vos ipsi nobis huismodi magistrum dare velitis, quia speramus, quod talis homo qui per vos nobis dabitur perfectus esse debet et etiam vestri consideratione diligentius nobis serviret. Petimus itaque iterato, quod in his nobis complacere velitis prout de amicitiis vestris bene confidimus. Et licet non possumus ad huc pensare et computare quot tumeniis laterum indigeamus quibus ipsi²⁾ labores nostri perfici possent, petimus tamen amicitias vestras, quod vos ipsi cum eodem magistro conventionem facere velitis quantum eidem pro singulis tumeniis laterum ad tegendum tecturas aptis dare debeamus et quantum pro singulis tumeniis laterum ad murandum aptis dare debeamus. Et quomodocumque cum ipso conventionem et depositionem facietis, rescribatis nobis in literis vestris et certi sitis, quod nos eundem benigne servare et sibi iuxta conventionem per vos factam omnino solvere volumus. Cetera lator praesentium dicet. Scripta in oppido nostro Pathak feria sexta proxima post festum sanctissimi corporis Christi, anno domini millesimo quadringentesimo sexagesimo septimo.

Comes Ladislaus de Palocz,
iudex curiae regiae maiestatis.

Auf der Rückseite Adresse: Honestis et prudentibus viris Petro de Weresmarth iudici regio ac magistro civium iudicique et consilio civitatis Zebeniensis amicis nostris grate dilectis.


1) Vorlage prae.^{^}
2) Hierauf laboratores mit Punkten eingekreist und getilgt.^{^}