Urkunde Nr. 3523 aus Band VI

Seite im UB:

279

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

3523

Ofen 1467 März 21 König Matthias trägt dem Szeklergrafen auf, bei der Einhebung der jährlichen Abgaben die neue Geldwährung zu berücksichtigen und keine ungerechten Mehrforderungen zu stellen.

Von der Kanzlei: Commissio propria domini regis.

Nos Mathias dei gratia rex Hungariae, Dalmaciae, Croaciae et cetera memoriae commendamus, quod quia fideles nostri prudentes viri cives et communitas civitatis nostrae Bistriciensis antiqua consuetudine eorum¹⁾ requirente comitibus Siculorum nostrorum singulis annis singulos centum centenarios de moneta pro tempore currenti prout ex eorum narratione accepimus solvere tenentur. Igitur ne ex diversitate monetarum nostrarum quas pro utilitate regni nostri et partium eiusdem ex deliberatione praelatorum et baronum nostrorum cudi fecimus prout sunt grossi, quorum viginti et aliae monetae, quarum centum unum florenum auri faciunt, comitibus ipsis Siculorum nostrorum plus exigendi ardor cupiditatis concrescat et exinde ipsam civitatem nostram ad numerum huiusmodi grossorum in ipsa solutione compellant, volumus et ita limitamus, ut tales census annuales ipsa civitas nostra cum moneta nostra praefata, cuius scilicet centum valent florenum auri unum, solvat comitibus praenotatis. Quocirca mandamus eisdem comitibus Siculorum nostrorum pro tempore constitutis, quatenus huiusmodi limitationem nostram in nullo excedere praesumant, praesentesque perlectas reddant semper praesentanti. Datum Budae sabbato proximo ante dominicam Ramispalmarum, anno domini millesimo quadringentesimo sexagesimo septimo, regni nostri anno decimo, coronationis vero tertio.


1) Über der Zeile nachgetragen.^{^}