Urkunde Nr. 3505 aus Band VI
- Seite im UB:
- 267-268
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Heutige Signatur:
- Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 7 - Abt. 3: K. A. Hetzeldorf [Parohia Ev. CA Aţel], Nr. 2.
- Druckvorlage:
- nach Original
- Abdruck als:
- Volltext
- Sprache:
- Latein
3505
Pressburg 1466 November 19 König Matthias verleiht der Gemeinde Hetzeldorf das Wochen- und Jahrmarktsrecht. Orig. Perg. Arh. St. Sibiu, K.A. Hetzeldorf 6/2 [recte: 7/2]. Siegel, rund. Dm. 64 mm, war in rotes Wachs vorne aufgedrückt. [-- Auch] Eingeschaltet als zweites Insert vom Statthalter Martinuzzi 1550 und als erstes Insert von König Ferdinand I. 1552, Orig. ebenda. [-- Abschrift der Bestätigung König Ferdinands I. heute Zentralarchiv der evangelischen Kirche A. B. in Rumänien, Hermannstadt, 610 A 37.]
Druck: Archiv (
») Neue Folge XXX, 1901, 452 Nr. 5.
Commissio propria domini regis.
Nos Mathias dei gratia rex Hungariae, Dalmaciae, Croaciae et cetera memoriae commendamus tenore praesentium significantes quibus expedit universis, quod [S. 268] nos tum ad humilimae supplicationis instantiam fidelis nostri nobilis magistri Ladislai, filii Georgii Thabiasy de Eczel notarii cancellariae nostrae, per eum nostrae propterea porrectae maiestati tum et enim pro commodo et utilitate villae nostrae Eczel praedictae ac incolarum et inhabitatorum eiusdem ad eandem villam nostram Eczel in duabus sedibus Saxonicalibus videlicet Megyes et Seelk partium Transsilvanarum regni nostri habitam nundinas liberas seu fora annualia libera in singulis octavis diebus proximis ante festum beati regis Stephani, item in singulis festivitatibus beatorum Valentini et Georgii martyrum aliisque diebus ipsas octavas dies et festivitates praedictas praecedentibus et sequentibus ad id scilicet necessario apti et sufficientibus omnia anno. Item forum ebdomadale liberum singulis feriis quartis in qualibet ebdomada omnino sub hiisdem libertatibus et praerogativis, quibus nundinae seu fora annualia sed et ebdomadalia civitatum nostrarum regalium ac oppidorum et villarum liberarum celebrantur seu celebrari solent, perpetuo celebrandum duximus annuendum et concedendum, immo annuimus et concedimus praesentium per vigorem absque tamen praeiudicio nundinarum seu fororum annualium sed et ebdomadalium liberorum aliorum. Quocirca vos universos et singulos mercatores, institores et alios forenses homines atque viatores quoslibet serie praesentium affidamus, assecuramus et certificamus, quatenus ad praedictas nundinas seu fora annualia sed et ebdomadalia libera per nos in praedicta villa nostra Eczel modo praemisso perpetuo celebrari commissas et concessas cum omnibus mercantiis rebus et bonis vestris venalibus libere, secure et sine omni pavore seu formidine rerum et personarum vestrarum veniatis, properetis et accedatis peractisque inibi cunctis vestris negotiationibus iterum ad propria vel alia quae maluerit is loca redeatis salvis semper rebus et personis vestris et vestrorum sub nostra protectione et tutela speciali. Et haec volumus per fora et alia loca publica, ubi necesse fuerit, palam et manifeste facere proclamari. Praesentes autem perlectas semper reddi mandamus praesentanti. Datum Posonii in festo beatae Elizabeth viduae, anno domini millesimo quadringentesimo sexagesimo sexto, regni nostri anno nono, coronationis vero tertio,