Urkunde Nr. 3504 aus Band VI

Seite im UB:

267

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 6 - Abt. 3: K. A. Hetzeldorf [Parohia Ev. CA Aţel], Nr. 1.

Druckvorlage:

nach Original

Abdruck als:

Volltext

Sprache:

Latein

---

3504

Pressburg 1466 November 19 König Matthias verleiht der Gemeinde Hetzeldorf die Blutgerichtsbarkeit.

Von der Kanzlei: Commissio propria domini regis.

Nos Mathias dei gratia rex Hungariae, Dalmaciae, Croaciae et cetera memoriae commendamus tenore praesentium significantes quibus expedit universis, quod nos tum ad supplicationem fidelis nobilis magistri Ladislai, filii Georgii Thabiasy de Eczel notarii cancellariae nostrae, per eum pro parte fidelium nostrorum universorum populorum, hospitum et inhabitatorum villae nostrae Eczel praedictae nobis propterea factam, tum etenim sicuti regiae interest sublimitati providere, ut in terris suo principatui subiectis pax et securitas euntibus praebeatur malefactorumque et nocivorum hominum perversitas et iniquitas deleatur, iustique et innocentes victuum suorum necessaria iusta acquisitione fruantur sub protectione principis gratiosi, eisdem populis, hospitibus et inhabitatoribus praedictae villae nostrae Eczel id duximus annuendum et concedendum plenamque facultatem dandum et attribuendum, ut ipsi in territorio dictae villae nostrae patibulum, rotas, palos et aliorum tormentorum genera erigere universosque fures, latrones, vispiliones, domorum incensores, homicidas, intoxicatores aliosque quoscumque malefactores ubicumque in territorio ipsius villae nostrae Eczel publice et manifeste locis sceleratis et maleficiis deprehensos in persona detinere et detentos prout iuri videbitur expedire, laqueis suspendi, rotare, decollare¹⁾ et incinerare ac iusta eorum excessus et demerita aliis condignis poenis ferire et necare omniaque et singula quae in praemissis iuxta consuetudinem partium regni nostri Transsilvanarum fieri consueverunt facienda facere et expedire ac iudicem et villicum, nec non iuratos cives, qui huiusmodi malefactores iudicent et iuxta eorum merita puniant communi eorum consilio inter se eligere valeant atque possint. Harum nostrarum quibus secretum sigillum nostrum est appensum vigore et testimonio literarum. mediante. Datum Posonii in festo beatae Elizabeth viduae, anno domini millesimo quadringentesimo sexagesimo sexto, regni nostri anno nono, coronationis vero tertio.


1) Vorlage decolare. ^{^}