Urkunde Nr. 3503 aus Band VI

Seite im UB:

266

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 256.

Druckvorlage:

nach Original

Abdruck als:

Volltext

Sprache:

Latein

---

3503

Pressburg 1466 November 16 König Matthias fordert den Rat von Hermannstadt auf, den Stadtpfarrer Valentin zu verhalten, dass er die Erbschaft nach Christine, der Witwe Nikolaus d. Ae. von Salzburg, dem Bevollmächtigten der Kinder von Simon und Georg Rykalff de Tarkö ausfolgt.

Von der Kanzlei: Commissio domini regis.

Mathias dei gratia rex
Hungariae, Dalmaciae, Croaciae et cetera.

Prudentes et circumspecti viri fideles nobis sincere dilecti. Mandavimus in aliis literis nostris fideli nostro honorabili Valentino plebano vestro, ut ipse res et bona quondam dominae Cristinae quondam Nicolai senioris de Wyzakna apud ipsum habitas, filiis quondam Georgii et Simonis Rykalff de Tharkw ac nobili dominae Adwigae consorti Benedicti de Bazthe sibi in proxima linea consanguineitatis attinentibus tempore obitus eiusdem dominae testamentaliter legatas ad manus fidelis nostri magnifici Raynoldi de Rozgon consanguinei ipsorum sub cuius protectione et defensione etiam universa iura hereditaria praefatorum filiorum dictorum quondam Georgii et Simonis Rykalff ac etiam dictae dominae Adwigae existunt coram vobis assignare debeat. Igitur fidelitati vestrae firmiter mandamus, quatenus statim visis praesentibus dum per Stanislaum de Strslak hominem praefati Raynoldi praesentium ostensorem cum praesentibus requisiti fueritis vos in restitutione huiusmodi rerum et bonorum per dictam dominam Cristinam praedictis filiis ipsorum quondam Georgii et Simonis Rykalff ac praefatae Adwigae legatarum per dictum plebanum vestrum praefato Rynoldo vel homini suo facienda interesse debeatis. Secus facere non ausuri. Datum Posonii die dominico proximo ante festum beatae Elizabet viduae, anno domini millesimo quadringentesimo sexagesimo sexto, regni nostri anno nono, coronationis vero tertio.

Auf der Rückseite Adresse: Prudentibus et circumspectis magistro civium ac iudici et iuratis civibus civitatis nostrae Cibiniensis fidelibus nostris sincere dilectis. [S. 267]