Urkunde Nr. 3496 aus Band VI

Seite im UB:

263

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 288.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3496

Komorn 1466 November 5 König Matthias verbietet den Adligen von Budila und Teliu die Tartlauer in der Benützung eines Waldes zu hindern.

Mathias dei gratia¹⁾ rex Hungariae, Bohemiae, Croaciae et cetera fidelibus nostris nobilibus Oswaldo Forro ac Anthonio Gereb de Bodola et Georgio Thel de Kerezthfalwa necnon cunctis aliis nobilibus in eisdem possessionibus Bodola et Kerezthfalwa existentibus salutem et gratiam. Intelleximus qualiter vos fideles nostros cives hospites et inhabitatores oppidi nostri Prasmar in quibusdam silvis quae scilicet ab antiquo tam ad usum ipsorum exponentium quam etiam aliorum incolarum terrae Barcza communiter pertinuissent impediretis ac turbaretis easdemque silvas praefatis exponentibus more alias consueto succidere et uti non permitteretis, sed eosdem a succesione ipsarum silvarum prohibuissetis ac easdem silvas solum modo pro vobis et ad usum vestrum tenere occupareque velletis in praeiudicium et dampnum praefatorum exponentium valde magnum. Super quo fidelitati vestrae harum serie firmiter committimus et mandamus, quatenus a modo imposterum memoratos exponentes in praetactis silvis ad comunem usum spectantibus impedire et turbare nullo modo praesumatis, sed easdem silvas ipsis exponentibus eo modo quo alias usi sunt pacifice et sine impedimento uti et succidere permittatis, alioquin commisimus et praesentibus strictius committimus fidelibus nostris magnificis waywodae et vicewayvodae nostris Transsiluanis pro tempore existentibus, ut ipsi eosdem exponentes in praefatis silvis contra vos et alios quoslibet illegitimos impetitores tueri et protegere debeant, auctoritate nostra ipsis praesentibus in hac parte concessa et iustitia mediante. Secus igitur facere non ausuri, praesentibus perlectis exhibenti restitutis, Datum in opido nostro Komaron in festo beati Emerci ducis, anno domini millesimo quadringentesimo sexagesimo sexto, regni nostri anno nono, coronationis vero tertio.


1) Bis hieher in kleiner verlängerter Schrift.^{^}