Urkunde Nr. 3489 aus Band VI

Seite im UB:

259

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 252.

Druckvorlage:

nach Original

Abdruck als:

Volltext

Sprache:

Latein

---

3489

Straßburg am Mieresch 1466 September 23. ^a) Gotthard, Propst der siebenbürgischen Kirche, lädt die einflussreichen Männer der Sieben und Zwei Stühle im Auftrag des Königs zu einer Zusammenkunft nach Hermannstadt ein.

Nobiles, circumspecti et prudentes viri, domini fratres et amici nobis honorandi. Quia ex mandato et informatione serenissimi domini nostri regis vobiscum tractare habemus, quare vestras dominationes fratres et amicos petimus diligenter, ut omnes potiores de septem et duabus sedibus ad feriam tertiam festi beati Michaelis proximam¹⁾ in civitatem vestram Cibiniensem sub poenis alias consuetis convocari faciatis, ut cum eisdem in factis ipsius domini regis termino in praedicto concludere valeamus, notificantes eisdem, ut non pro parva sed magna re congregantur, etiam quod eosdem non amplius nisi feria tertia et quarta praestolabimus conclusuri. Tandem volente deo ex mandato iam dicti domini nostri regis feria quinta ad alia loca festinanter ire intendimus. Ideo petimus vestras dominationes fratres et amicos ne per vos aut eosdem negligentia fiat. Postremo petimus vos dominos Cibinienses, ut revisis literis praesentibus eandem citissime ad dominos iudices regios duarum sedium transmittere velitis, ut et ipsi una vobiscum termino in praedicto comparere debeant, quos et nos praesentibus petimus et monemus ad praedicta. Ex Enydino feria tertia proxima post festum beati Mathei apostoli et evangelistae, anno domini et cetera LX sexto.

Gothardus de Rapolth, praepositus
ecclesiae Albensis Transsylvanae.

Auf der Rückseite Adresse: Nobilibus, circumspectis et prudentibus viris iudicibus regiis septem et duarum sedium, magistro civium ac iuratis civibus civitatis Cibiniensis, dominis fratribus et amicis nobis honorandis.


a) Ausstellungsort im UB als: Enyed.^{^}

1) September 30.^{^}