Urkunde Nr. 3488 aus Band VI

Seite im UB:

258-259

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 251.

Druckvorlage:

nach Original

Abdruck als:

Volltext

Sprache:

Latein

---

3488

Klausenburg 1466 September 23 Ladislaus Henlin ersucht den Bürgermeister und den Königsrichter von Hermannstadt, für den 1. Oktober eine Generalversammlung der Sieben Stühle einzuberufen.

Salutem pronamque voluntatem honoris cum augmento. Prudentes circumspectique viri domini et amici nostri sincere dilecti. Noveritis quod secundo die festi beati Mathiae apostoli¹⁾ nunc in Coluswar fuimus constituti cum magnifico viro domino Johanne Groff vaivoda scilicet Transsilvanensi inter nos mutuo de quibusdam certis et legitimis causis tractantes. Tandem inter cetera nostra colloquia venerabilis dominus Gothardus praepositus ecclesiae Albensis etiam intravit de Buda, a quo didicimus ac verissime intelleximus, qualiter certas literas regales apportasset septem sedibus Saxonum dixitque etiam vestris intimare prudentiis et dominationibus, ut generalem convocationem ad quartam feriam sequentem immediate post festum beati Michaelis archangeli proxime affuturi²⁾ faceretis ad Cibinium, ubi huiusmodi mandata regia decernerent et audirent. Qua re vestras rogamus prudentias pariterque amicitias diligenter, quatenus dum et quando praenominatus venerabilis dominus Gothardus praepositus videlicet iam fatae ecclesiae Albensis intimaverit pro causa exequenda ex tunc iuxta vota dignemini et velitis facere convocationem generalem veluti fuerit honoris. Interim et nos domino concedente omnibus negotiis postpositis ad ter-[S. 259] minum personaliter vobiscum constituemur. Demum visis et intellectis mandatis regiae maiestatis modis omnibus iuxta nostrum posse secundum quod deus gratiam dederit volumus honorifice inter nos mutuo sive laudabili determinare. Scriptum in Coluswar tertio die festi beati Mathaei apostoli, anno domini millesimo quadringentesimo sexagesimo sexto.

Ladislaus Henlin.

Auf der Rückseite Adresse: Prudentibus circumspectisque viris Nicolao magistro civium ac Petro Jung iudici regali ceterisque iuratis civibus civitatis Cibiniensis, dominis amicisque sincere dilectis.


1) September 23.^{^}
2) Oktober 1.^{^}