Urkunde Nr. 3480 aus Band VI

Seite im UB:

253-254

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 246.

Druckvorlage:

nach Original

Abdruck als:

Volltext

Sprache:

Latein

---

3480

Thorenburg 1468 August 20 Der siebenbürgische Woiwode Johannes von Skt. Georgen und Bösing trägt dem Hermannstädter Rat auf, die Gebarung bei der Salzkammer in Salzburg zu untersuchen.

Prudentes circumspectique viri nobis sincere dilecti. Intimat nobis gratiosissimus dominus noster dominus rex ratione egregii Nicolai¹⁾ iunioris de Wyzakna, quomodo curam penitus nullam prout tunc teneretur²⁾ ex parte officii sui circa salium regalium excisiones haberet talique de facto annotato serenissimo domino nostro et suae maiestati valida dampna evenirent demumque nobis eundem Nicolaum ammonere et exhortare commisit, ut modo diligentiori curam ad huiusmodi negotia adhiberet alioquin loco ipsius alium quendam, qui maiori diligentia insisteret, institueremus. Ideo dilectionibus vestris regia in persona firmiter committimus et mandamus, quatenus habita praesentium notitia certos ex vobis iuratos videlicet cives ad Wyzakna transmittatis mox³⁾ ibique rei veritatem prout debet resciatis, quam tandem nobis rescribatis, ut domini nostri iuxta commissa procedere valeamus. Datum Thordae feria quarta proxima ante festum beati Bartholomaei apostoli, anno domini millesimo quadringentesimo sexagesimo sexto.

Johannes comes de Sancto Georgio et Bozyn vaivoda Transsilvanus et comes Siculorum. [S. 254]

Auf der Rückseite Adresse: Prudentibus et circumspectis viris magistro civium, iudicibus iuratisque consulibus civitatis Cybiniensis nobis sincere dilectis.


1) Hierauf d gestrichen.^{^}
2) Am Rande nachgetragen.^{^}
3) Über der Zeile.^{^}