Urkunde Nr. 389 aus Band I

Seite im UB:

360-361

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 4.

Druckvorlage:

nach Original

Abdruck als:

Volltext

Sprache:

Latein

---

389

Avignon [1322] April 2 Papst Johann XXII. beauftragt den Bischof von Olmütz, den zwischen der Stadt Hermannstadt und dem Pfarrer daselbst einerseits und dem Propst andrerseits wegen des Patronatsrechtes über die Stadtkirche schwebenden Streit zu schlichten.

Johannes episcopus servus servorum dei venerabili fratri . .¹⁾ episcopo Olomucensi salutem et apostolicam benedictionem. Sua nobis . .²⁾ plebanus parochialis ecclesiae villae Cibiniensis Strigoniensis diocesis et universitas hominum eiusdem villae patroni eiusdem ecclesiae petitione monstrarunt, quod licet eadem universitas in eadem ecclcsia ius obtineat patronatus, tamen . . praepositus ruralis Cibiniensis dictae diocesis falso asserens se dictae ecclesiae fore patronum et ad eum pertinere ius huiusmodi patronatus praetextu iuris huiusmodi decimas ad dictam ecclesiam pertinentes necnon oblationes, quae a Christi fidelibus in eadem ecclesia offeruntur, et nonnulla alia iura eiusdem ecclesiae contra iustitiam occupavit et diu detinuit occupata in animae suae periculum et ipsius plebani et dictae universitatis non modicum praeiudicium et gravamen, propter quod pro parte ipsorum plebani et universitatis ad sedem exstitit apostolicam appellatum. Cum autem dicti³⁾ plebanus et universitas sicut asserunt dicti praepositi potentiam merito perhorrescentes eum infra civitatem seu diocesim Strigoniensem nequeant convenire secure, fraternitati tuae per apostolica scripta mandamus, quatenus vocatis [S. 361] qui fuerint evocandi et auditis hinc inde propositis quod iustum fuerit appellatione remota decernas faciens quod decreveris, per censuram ecclesiasticam firmiter observari. Testes autem qui fuerint nominati, si se gratia, odio vel timore subtraxerint, censura simili appellatione cessante compellas veritati testimonium perhibere. Datum Auinione, IIII. Nonas Aprilis, pontificatus nostri anno sexto.

Von der Kanzlei: P^v.^b) de Vigono.

Auf der Rückseite: N. Theodricus de Reys.

Auf der Rückseite, auf dem unteren umgebogenen Pergamentrand: G. d. Valle.


a) Im UB Abbildung der Bulle Papst Johanns XXII., Avers und Revers, auf Tafel I, Bild 4 und 5; unten als »Abb. ^{^}
b) P mit übergesetztem v.^{^}

1) Conradus. -- omu auf Rasur. ^{^}
2) Heidenricus. ^{^}
3) Das zweite i auf Rasur. ^{^}

Abb.