Urkunde Nr. 3477 aus Band VI

Seite im UB:

251-252

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 245.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3477

Hermannstadt 1466 August 13 Der siebenbürgische Woiwode Johannes von Skt. Georgen und Bösing ersucht das Weissenburger Kapitel, bei der Einführung des Hermannstädter Königsrichters Peter, Gräf von Rothberg, in den Besitz des vierten Teiles von Cornăţel mitzuwirken.

Amicis suis honorandis capitulo ecclesiae Transsiluanae Johannes comes de Sancto Georgio et Bozyn vaivoda Transsiluanus comes Siculorum salutem cum honore. Dicit nobis egregius Petrus Gereb de Weresmarth, iudex regius civitatis Cybiniensis, quomodo ipse in dominium cuiusdam possessionis portionariae, quartae videlicet partis Horthowagya vocatae in comitatu Albensi existentis, ipsum omni iure concernentis legitime vellet introire. Et quia introductioni et statutioni eiusdem nostri et vestri homines sibi necesarii fore dinoscuntur, super quo vestras amicitias praesentibus rogamus, quatenus vestrum mittatis hominem pro testimonio fide dignum, quo praesente Petrus Zaz canonicus ecclesiae Transsiluanae an Laurencius vel Petrus de Wezzwd aliis absentibus homo noster ad faciem dictae possessionis portionariae Horthowagya vocatae in dicto comitatu Albensi existentis habitae vicinisque et commetaneis eiusdem inibi legitime convocatis et praesentibus accedens introducat praefatum Petrum Gereb de Weresmarth in dominium praescriptae possessionis portionariae statuatque eidem eandem cum cunctis suis utilitatibus et pertinentiis quibuslibet perpetue in filios et heredum per heredes [S. 252] tenendam, possidendam pariter et habendam, si non fuerit contradictum. Contradictores vero si qui fuerint evocet eosdem contra praefatum exponentem ad octavas festi beati Michaelis archangeli nunc proxime venturi¹⁾ nostram aut vicevaivodarum nostrorum in praesentiam rationem contradictionis eorum reddituros efficacem. Et post haec huiusmodi introductionis et statutionis seriem cum contradictorum et evocatorum si qui fuerint vicinorumque et commetaneorum, qui praemissae statutioni intererunt²⁾ nominibus nobis aut eisdem vicevaivodis amicabiliter rescribatis. Datum Cybinii nostri annularis sub sigillo propter absentiam maioris feria quarta proxima ante festum assumtionis virginis gloriosae, anno domini millesimo quadringentesimo sexagesimo sexto.


1) Oktober 6.^{^}
2) Hierauf nobis gestrichen.^{^}