Urkunde Nr. 3475 aus Band VI

Seite im UB:

249-250

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

3475

Hermannstadt 1466 August 9 Der siebenbürgische Woiwode Johannes von Skt. Georgen und Bösing fordert Richter und Rat von Kronstadt auf, sich vor dem nächsten Generallandtag in Thorenburg wegen einer in einem Stadttor begangenen Untat an Michael, dem Sohn des Adligen Valentin Nemes, zu verantworten.

Johannes comes de Sancto Georgio et Bozin vaivoda Transilvanus Siculorumque comes prudentibus et circumspectis viris iudici ac iuratis civibus civitatis Brassoviensis dilectionem cum favore. Gravem querelam nobilis Valentini dicti Nemes de Hydweg accepimus valde displicenter, quomodo hiis proximis retroactis diebus dum Michael filius suus ad dictam civitatem Brassoviensem pro certis suis necessitatibus fora inibi exercere accessisset, tunc quidam Lucas Siculus coinhabilator dictae civitatis Brassoviensis adiunctis sibi nonnullis aliis suis complicibus in porta eiusdem civitatis in insidiis latendo, dum dictus Michael per ipsam portam regressurus ad propria redire voluisset, tunc dictus Lucas et sui complices inter valvas dictae portae more latrocinio in ipsum Michaelem irruentes eundem diris vulnerum plagis sauciantes manus eiusdem in cubitu amputassent semivivum eundem ibidem relinquentes, de cuius vita etiam ad praesens dubitaretur. Hiis itaque per eosdem patratis et commissis per quendem famulum annotati Michaelis vos iudex requisitus memoratas sceleritates iuri detinere recusassetis, sed easdem confoventes in civitate iam dicta Brassoviensi [ ]¹⁾ de praesenti in dicti exponentis praeiudicium satis grande. Et quia nos tales actus et commissos nepharios simpliciter et impune pertransire nolumus, ne alii ad similia attemptanda mala se ingerere praesumant, dilectionibus igitur vestris harum serie regia in persona firmiter praecipiendo committimus, quatenus acceptis praesentibus memoratos Lucam et sibi in hac parte complices et consocios captivare et ad proximam generalem congregationem regnicolarum die dominico proximo post festum assumptionis virginis gloriosae²⁾ Thordae celebrandam nobis praesentare vosque certos ex vobis ad redendam rationem cur talia in libera civitate regali mala et actus nepharios quibuspiam committere permittitis nostri in praesentiam dictam ad congregationem transmittere debeatis. Secus non facturi; praesenti-[S. 250] bus perlectis exhibenti restitutis. Datum Cibinii sabbatho in vigilia festi beati
Laurencii martyris, anno domini millesimo quadringentesimo LX^o sexto.

Von der Kanzlei: Propria commissio domini comitis.


1) Lücke.^{^}
2) August 17.^{^}