Urkunde Nr. 3472 aus Band VI

Seite im UB:

247-248

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. P 51.

Druckvorlage:

nach Original

Abdruck als:

Volltext

Sprache:

Latein

---

3472

Stuhlweissenburg 1466 Juli 17 König Matthias trägt dem siebenbürgischen Woiwoden und Szeklergrafen Johann von Bösing und Skt. Georgen auf, die Bewohner von Klausenburg gegen die Bedrückungen einiger Adligen und vornehmlich des Richters Stephan von Feiurdeni zu schützen.

Von der Kanzlei: Commissio propria domini regis.

Mathias dei gratia rex Hungariae, Dalmaciae, Croatiae et cetera fideli nostro magnifico Johanni comiti de Bozyn et de sancto Georgio waiwodae partium regni nostri Transsilvanarum ac comiti Siculorum nostrorum vel suis vices gerentibus salutem et gratiam. Expositum est nobis in personis universorum civium et inhabitatorum civitatis nostrae Koloswar admodum gravis querelae, quomodo nonnulli essent nobiles et incolae illarum partium et signanter Stephanus iudex dictus de Feyerd, qui nonnullos ex ipsis intra metas ipsius civitatis nostrae spoliassent¹⁾ et spoliarent ac eisdem continue minas mortis imponerent, propter quod ipsa civitas nostra maxime desolaretur et deficeret plurimum. Unde supplicatum est nobis per ipsis circa praemissa de remedio providere. Et quia nos ipsos exponentes per neminem impediri volumus, ideo fidelitati vestrae harum serie firmiter committimus et mandamus, quatenus receptis praesentibus praefatis civibus nostris ex parte omnium illorum, qui eos spoliant et qui eis nocumento sunt, iudicium et iustitiam administrare et eosdem cives contra eorum impetitores in nostra persona defendere debeatis auctoritate nostra vobis praesentibus in hac parte attributa et iustitia mediante. Secus non facturi. Praesentibus perlectis exhibenti restitutis. Datum in Alba Regali feria quinta proxima post festum beatae Margarethae [S. 248] virginis, anno domini millesimo quadringentesimo sexto, regni nostri anno nono, coronationis vero tertio.

Auf der Rückseite gleichzeitig: Protectionales in facto metarum contra quoscumque nobiles et alios incolas harum partium Transsilvanarum.


1) Vorlage spoliasset. ^{^}