Urkunde Nr. 3461 aus Band VI

Seite im UB:

237-238 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

3461

Rom [1466] April 1 Papst Paul II. trägt dem Propst und dem Thorenburger Archidiakon der siebenbürgischen Kirche auf, die Klagen des Klausenburger Stadtpfarrers Gregorius gegen die dortigen Dominikaner zu untersuchen. [S. 238]

Paulus episcopus servus servorum dei dilectis filiis... praeposito et . . . archidiacono de Torda ecclesiae Transilvanae salutem et apostolicam benedictionem. Sua nobis dilectus filius Gregorius rector parochialis ecclesiae loci de Colvswar Transiluana diocesis petitione monstravit, quod licet corpora parochianarum dictae ecclesiae defunctorum apud ecclesiam domus beatae Mariae ordinis fratrum praedicatorum de dicto loco sepulturam eligentium antequam ad sepulturam huiusmodo defunctum¹⁾ ad dictum parrochialem ecclesiam veluti illorum²⁾ matricem deferri ac ibidem missa pro defuncto et in remedium animae suae celebrari consueverit fueritque praedictus et alii, qui fuerunt pro tempore ipsius ecclesiae rectores praedecessores sui in pacifica possessione vel quasi consuetudinis antedictae, a tanto tempore cuius contrarii memoria non existit. Quia tamen olim quondam Henricus prior et fratres dictae domus eidem consuetudini temeritate propria contravenientes, corpus eiusdem parrochiani dictae ecclesiae defuncti, qui apud ecclesiam dictae domus sepulturam elegerat, tunc ad ecclesiam matricem iuxta laudabilem consuetudinem praedictam delatum violenter asportare ac parrochianos dictae ecclesiae parrochialis abilius visitatione diebus dominicis et festivis retrahentes eos diebus ipsis temere ad divina recipere et sacramenta ecclesiastica praeter et contra tenorem constitutionis a felicis recordationis Bonifatio papa VIII praedecessore nostro editae³⁾, quae incipit: super cathedram, et per piae memoriae Clementem papam V. etiam praedecessorem nostrum in Viennensi concilio innovatae⁴⁾ ac ipsius rectoris voluntatem exhibere, nec non eorundem parrochianorum confessiones audire dictorumque parrochianorum defunctorum corpora apud ecclesiam dictae domus eorum sepulturam non eligentium ecclesiasticae sepulturae tradere praesumpserant et praesumebant, de funeralibus quoque et relictis per⁵⁾ defunctos eosdem etiam apud ecclesiam domus huiusmodi ipsorum sepulturam eligentes quartam sive canonicam portionem eidem rectori a praefatis priore et fratribus iuxta dictam decretalem debitam sibi exhibere recusabant. Idem rector priorem et fratres praedictos super hoc petendo eos condemnari et compelli ad desistendum a violentiis ac aliis praemissis necnon dandam et solvendam sibi quartam sive portionem huiusmodi coram Johannem tunc vicario venerabilis fratris nostri episcopi Transiluani in spiritualibus generali traxit in causam. Et idem vicarius rite in ea procedens diffinitivam pro dicto rectore et contra priorem et fratres praedictos sententiam quae postea nulla saltem legitima provocatione suspensa in rem transivit iudicatam promulgavit. Quare pro parte dicti Gregorii rectoris nobis fuit humiliter supplicatum ut sententiam praedictam faceremus robur obtinere debitae firmitatis. Quocirca discretioni vestrae per apostolica scripta mandamus, quatenus diffinitivam sententiam praedictam sicuti iuste prolata est faciatis auctoritate nostra appellatione postposita firmiter observari. Quod si non ambo hiis exequendis potueritis interesse, alter vestrum ea nichilominus exequatur. Datum Romae apud sanctum Marcum, anno incarnationis dominicae millesimo quadringentesimo sexagesimo sexto, Kalendis Aprilis, pontificatus nostri anno secundo.

Auf der Plica: L de Prinuriis. [S. 239]


a) Seitenumbruch nach Kopfregest.^{^}

1) am huiusmodi de auf Rasur.^{^}
2) eorum auf Rasur.^{^}
3) Vorlage editam.^{^}
4) Vorlage innovalam. ^{^}
5) et relictis per auf Rasur.^{^}