Urkunde Nr. 3456 aus Band VI

Seite im UB:

234-235 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Sammlung Brukenthal [Colecţia Brukenthal] (Inventar 80-125), B 1-5 (Inventar 82) Nr. 60, Vol. III, pag. 99.

Druckvorlage:

nach Abschrift

Abdruck als:

Volltext

Sprache:

Latein

---

3456

Hermannstadt 1466 März 14 Der Hermannstädter Rat gestattet der dortigen Schusterzunft, auf dem Kleinen Ring eine Laube zu errichten, um ihre Waren feilzubieten. [S. 235]

Nos Petrus Greb magister civium, Ladislaus Henlini alias similiter magister civium, Nicolaus Zyglewr, Bartholomaeus Hutter , Martinus Remser, Georgius Sartor, Benedictus Carnifex, Stephanus Pictor, Leonhardus Jung dictus Pellifex, Petrus Fybes, Nicolaus Aurifaber, Johannes Flaschnar et Lodovicus de Norenburga iurati consules atque Bartholomeus Pictor villicus civitatis Cibiniensis ad praesentium futurorumque notitiam harum serie volumus devenire, quod nos, qui uti fideles et veri officiales et provisores huius civitatis Cibiniensis rei publicae commodo et statui prospero eiusdem civitatis ex nostrorum officiorum debito in omnibus, quantum nobis ab alto concessum est, consulere et providere tenemur, praematura inter nos praehabita deliberatione digestoque consilio superinde celebrato de speciali consensu et beneplacita voluntate totius communitatis iampraedictae civitatis nostrae ad diligentem petitionis instantiam providorum et honestorum virorum universorum et singulorum magistrorum sutorum ipsis civitatis nostrae nobis proinde porrectam eisdem favorabiliter annuendum duximus et concedendum, immo annuimus et concedimus per praesentes, quod iidem magistri cechae sutorum inter domum quondam prudentis viri Petri Mwelner, olim consilii nostri iurati, nunc vero providi viri Andreae Sartoris concivis nostri, in minori circulo civitatis nostrae praetitulatae prope macella sitam atque habitam et inter lobium sive aedificium illud, in quo albi panes in ipso minori circulo venditioni exponi et vendi solent exposito utputa lobii sive aedificii cechae pellificum situm et habitum unum lobium sive aedificium pro ipsorum artificio aptum, in quo videlicet lobio sive aedificio singulis ferriis tertiis et nundinis ex speciali praerogativa calceos eorum et labores venditioni exponere et vendere in eodemque libere stare possint, aedificare, murare ac pro honore et commodo ipsius civitatis nostrae et ipsorum necessitate construere valeant et queant. Per ipsos utpote chechae praedictae sutores praesentes et futuros absque aliquo censu eidem civitati nostrae in successu temporum quovismodo debendo, futuris semper successivis temporibus perpetuis habendum, tenendum pariter et possidendum. Illo etiam non praetermisso, quod nullos omnino sutorum saepelatae civitatis nostrae extra cecham ipsam constitutus extra ipsum lobium sive aedificium sive in foris ebdomadalibus sive nundinalibus calceos suos sive quoscumque labores venditioni exponere et vendere audeat modo aliquali sub poena permutationis eorundem. Et insuper concedimus et annuimus praesentium per vigorem, ut iidem sutores lobium seu aedificium huiusmodi cum ianuis, seris et aliis clausuris ad id debitis et opportunis valent conservare, ne aliqua mala illicita et inconvenientia tempore nocturnali in eodem vel ex eodem quovismodo committantur. In cuius annuentiae nostrae testimonium firmitatemque perpetuam praesentes literas nostras patentes sigillo civitatis nostrae saepediclae autentico et maiori subappendenti roboratas exinde duximus concedendas. Datum feria sexta proxima ante dominicam Laetare Jherusalem et cetera, anno domini millesimo quadringentesimo sexagesimo sexto.


a) Seitenumbruch nach Kopfregest.^{^}