Urkunde Nr. 3436 aus Band VI

Seite im UB:

222

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 69.

Druckvorlage:

nach Original

Abdruck als:

Volltext

Sprache:

Latein

---

3436

Ofen 1465 August 30 König Matthias nimmt die Ortschaften Waltersdorf, Johannisdorf und Grossendorf gegen Übergriffe des Johannes Farkas de Erked in Schutz.

Von der Kanzlei: Commissio propria domini regis.

Mathias dei gratia rex Hungariae, Dalmaciae, Croaciae et cetera fidelio nostro Johanni Farkas dicto familiari et officiali egregii Petri de Zob in possessione Erked vocata constituto salutem et gratiam. Expositum est nobis in personis fidelium nostrorum circumspectorum virorum iudicis ac iuratorum ceterorumque civium civitatis nostrae Bistriciensis admodum gravis querelae, quomodo tu possessiones nostras regales Kysdemether ac Zenthywan et Naghfalw vocatas ad praefatum civitatem nostram Bistricensem pertinentes consequenterque populos et iobagiones nostros in eidem commorantes diversimodo impedires et dampnificares, ita ut propter huiusmodi impedimenta tua dictae possessiones nostrae plurimum desolarentur in nostrae maiestatis displicentiam et dampnum manifestum. Super quo fidelitati tuae harum serie firmiter committimus et mandamus, quatenus a modo imposterum dictas possessiones nostras ac populos et iobagiones nostros in eisdem commorantes impedire et dampnificare nusquam et nequaquam praesumas, sec ab inferendis eis impedimentis et dampnis omnimodo desistas, et hoc idem iniungimus etiam per futuros officiales in eadem possessione Erked constituendos firmiter observari. Alioquin praesentibus strictius committimus fidelibus nostris vaivodis vel vicevaivodis nostris Transsilvanis¹⁾ pro tempore constitutis ut ipsi dictas possessiones nostras ac populos et iobagiones nostros [in eisdem co] ²⁾morantes contra te et alios quoslibet illegitimos impetitores tueri et defensare teneantur, au[]³⁾ctoritate nostra, ipsis praesentibus in hac parte attributa et iustitia mediante; secus igitur facere non⁴⁾ ausurus, praesentibus perlectis exhibenti restitutis. Datum Budae feria sexta proxima ante festum beati Egidii abbatis, anno domini millesimo quadringentesimo sexagesimo quinto, regni nostri anno ocavo, coronationis vero secundo. [S. 223]


1) Lücke 8 mm.^{^}
2) Lücke 22 mm.^{^}
3) Lücke 20 mm.^{^}
4) Lücke 9 mm.^{^}