Urkunde Nr. 3425 aus Band VI

Seite im UB:

214-215

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 66.

Druckvorlage:

nach Original

Abdruck als:

Volltext

Sprache:

Latein

---

3425

Ofen 1465 April 27 König Matthias gestattet dem Rat von Bistritz, die Hunyadiburg abzureissen und dafür die Stadt zu befestigen.

Von der Kanzlei: Commissio propria domini regis.

Nos Mathias¹⁾ dei gratia rex Hungariae, Dalmaciae, Croaciae et cetera memoriae commendamus tenore praesentium significantes quibus expedit universis, quod nos consideratis fidelitate et servitiis fidelium nostrorum civium et communitatis civitatis nostrae Bistriciensis partium Transsilvanarum regni nostri, quibus ipsi nobis et sacrae coronae nostrae cum sincera diligentia studuerunt et student in dies complacere inclinati supplicationibus fidelium nostrorum circumspectorum Jacobi Krechmer et Georgii Ayben, civium dictae civitatis nostrae Bistriciensis per eos pro parte et in personis praefatorum civium et communitatis nostrae propterea porrectis maiestati, eisdem civibus et communitati ex gratia nostra speciali id duximus annuendum et concedendum, immo annuimus et concendimus, ut ipsi castrum Bistriciense, quod in territorio eiusdem civitatis nostrae alias per condam illustrem dominum Johannem de Hwnyad perpetuum comitem Bistriciensem et cetera genitorem nostrum fundatum fuerat, funditus diruere et cum lapidibus eiusdem castri praetactam civitatem nostram Bistriciensem munire et et muro circumdare possint atque valeant. Praeterea ex potestate nostra regia illud nomen perpetui comitatus, quo ipsa civitas tempore praefati condam domini genitoris nostri et ipso decedente usque ad hoc tempus vocitata est, auferimus eandemque in pristinam eius liberatatem reddimus et reponimus decernentes, ut a modo deinceps praefata civitas nostra Bistriciensis ita quemadmodum aliae civitates nostrae liberae perpetuis successivis temporibus suis libertatibus antiquis libere utatur. In cuius rei memoriam firmitatemque perpetuam praesentes literas nostras privilegiales pendentis et autentici sigilii nostri dupplicis munimine roboratas eisdem duximus concedendas. Datum Budae sabbato proximo post festum beati Marci evangelistae, anno domini millesimo quadringentesimo sexagesimo quinto, regni nostri anno octavo, coronationis vero secundo.

Auf der Rückseite von der Kanzlei: Regestrata M. K.


1) Diese beiden Wörter 1492 in kleiner verlängerter Schrift.^{^}