Urkunde Nr. 3419 aus Band VI

Seite im UB:

210

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 238.

Druckvorlage:

nach Original

Abdruck als:

Volltext

Sprache:

Latein

---

3419

Mühlbach 1465 März 18 Der siebenbürgische Woiwode Johannes Pongracz teilt allen Rechtsinhabern Siebenbürgens mit, dass er den Streit von zwei Enyedern mit der Stadt Hermannstadt um hinterlegtes Kupfer an die Instanz der Sieben Stühle weitergeleitet habe.

Johannes Pangracz de Dengelegh wayvoda Transsiluanus, Siculorum et Zolnok mediocris comes ac banus Zewreniensis universis et singulis nobilibus, comitibus, castellanis, officialibus, tributariis, theoloniatoriis item civitatibus, oppidis et villis, ipsarumque rectoribus, iudicibus, iuratis et villicis ac alterius cuiusvis status conditionis et possessionatis hominibus harum partium Transsilvanarum, praesentes visuris salutem et dilectionem. Noveritis, quod nos quasdam causas inter providos Michaelem et Thomam Sombor in opido Enyed commorantes ab una et inter universos cives et inhabitatores civitatis Cibiniensis partibus ab altera praetextu cuiusdam cupri et earum occasione motas et vertentes alias de mandato regio iuxta continentiam literarum regalium nobis adiudicari debendas, comissas pro eo, quia nos universas causas iuxta regni antiquam consuetudinem regnicolarum coram eisdem provincialibus senioribus septem sedium semper in antea in ipsorum medio consuetudine observata discutere et adiudicare comperimus. Et etiam quod nos nulli partium iuribus in hac parte derogare volentes huiusmodi causas occasione cupri praedicti cum omnibus suis articulis et dependentiis et tota serie in praesentiam provincialium et seniorum septem sedium discutiendum et adiudicandum iudicio et deliberationi eorundem submisimus et relinquimus, submittimusque per praesentes eo modo, ut si qua partium iudicio ipsorum¹⁾ septem sedium contentus non extiterit vel contentari noluerit, extunc in praesentiam regiae maiestatis consuetudine ipsorum septem sedium appellandi et transferendi habeat facultatem. Dilectionibus igitur vestris in persona regia firmiter praecipientes mandamus, quatenus praedictos cives et inhabitatores dictae civitatis Cibiniensis ratione cupri praedicti et causarum praemissarum usque deliberationem²⁾ et discussionem ipsius causae impedire, detinere et arestari facere in nullo ac nullibi nequaquam praesumatis. Et aliud non facturi. Praesentibus perlectis exhibenti restitutis. Datum in civitate nostra Zazsebes feria secunda proxima post dominicam Oculi, anno domini millesimo quadringentesimo LX^mo quinto.

Von der Kanzlei: Relatio Georgii de Haranglab. [S. 211]


1) Hierauf iur gestrichen.^{^}
2) Hierauf gestrichen causa. ^{^}