Urkunde Nr. 3403 aus Band VI

Seite im UB:

201

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 144 (Liber promptuarii capituli Braschowiensis), fol. 193 verso.

Druckvorlage:

nach Abschrift

Abdruck als:

Volltext

Sprache:

Latein

---

3403

Weidenbach 1464 Oktober 18 Der Burzenländer Dechant Petrus, Pleban von Weidenbach, fordert alle Burzenländer Gläubigen auf, für den Bau der Kirche in Neudorf bei Heldsdorf Almosen zu spenden.

Petrus plebanus de Wydenbach ac decanus Brassouiensis universis et singulis ecclesiarum parochialium rectoribus et dominis plebanis in et sub decanatu Brassouiensi commorantibus et constitutis sinceram et mutuam in domino caritatem. Cum inter alia opera pietatis, quae de fonte verae caritatis procedunt, elemosina celebrius commendetur ac solemnioribus preconiis commendata extolli dinoscitur per illam namquam sacro attestando eulogio sive ablutio scelerum et contra omnia mundi pelicula est firmamentum, haec est illa, quae coelum aperit et nos propitiabiliter de commissis excusat et restituit nobis gratiam plasmatoris. Sane quia inhabitatores Nouae villae et eorum patroni ut fideles et devoti katholici domum seu ecclesiam pro honore dei et animarum salute aedificare et construere optant intimo ex affectu, sed ad in inchoandum et perficiendum eorum non suppetunt facultates nisi Christi fidelium devotorum subventione coadiuventur. Ideo universitatem vestram per viscera minime (?) domini Jhesu Christi in animarum vestrarum salutem monemus et hortamur in domino, quatenus dum et quando discretus vir dominus Ladislaus plebanus de dicto loco seu vitricus aut eorum nuntius ad vos aut aliquem vestrum pervenerit elemosinas ad opus praemissum petiturus sibi de bonis vestris a deo gratuite collatis prout in cor deus vobis miserit manus benigne porrigatis adiuditrices, cumque in ecclesiis vestris erga parochianos vestros pie et paterne promovere dignemini et velitis, sperantes firmiter in bonorum omnium retributore Ihesu Christo, quod illam quam benefacientibus coelesti retributione rependitur palmam gloriae consequi meramini patria in futura. Praesentes post lecturam reddi petimus exhibenti. Datum in Wydenbach in die sancti Lucae evangelistae, anno domini M^o CCCC^o LXIIII^o.