Urkunde Nr. 3391 aus Band VI

Seite im UB:

194-195

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 352 - Abt. 13: K. A. Mediasch [Parohia Ev. CA Mediaş], Nr. 163 (alt Nr. 209).

Druckvorlage:

nach Original

Abdruck als:

Volltext

Sprache:

Latein

---

3391

Ofen 1464 Juli 28 König Matthias befreit Furkeschdorf für die Dauer von 10 Jahren von allen Steuern und Abgaben.

Von der Kanzlei: Commissio propria domini regis.

Nos Mathias dei gratia rex Hungariae, Dalmaciae, Croaciae et cetera¹⁾ memoriae commendamus per praesentes, quod nos ad humilimae supplicationis instantiam nonnullorum fidelium nostrorum per eos pro parte fidelium civium, populorum et iobagionum nostrorum in possessione nostra Farkasthelky vocata in partibus nostris Transsilvanis existente comorantium nostrae porrectae maiestati, tum vero ex eo ut eadem possessio populorum multitudine valeat decorari eosdem cives, populos et iobagiones nostros in eadem possessione nostra Farkasthelkyn pro tempore commorantes ab omni solulione census taxarum ordinarium et extraordinarium necnon collectarum ac contributionum et quorumcumque exactionum, quam iidem de praefata possessione nostra nobis aut in medium civium et communitatis opidorum nostrorum Megyes et Selk in eisdem partibus nostris Transsilvanis existentium qualitercumque facere haberent. Quemadmodum aliis literis nostris superinde confectis ex gratia nostra speciali infra spatia decem annorum anno proximo praeterito exemeramus et supportaveramus ita et praesentibus duximus eximendum et supportandum immo eximimus et supportamus ac usque tempus in eisdem literis nostris prioribus praefixum etiam census de eadem possessione in argento nobis provenire debentem nostram ad rationem computari volumus praesentium per vigorem. Quocirca vobis fidelibus nostris iudicibus regiis dictarum partium nostrarum Transsilvanarum eorumque officialibus necnon dicatoribus et exactoribus huiusmodi taxarum et collectarum ac contributionum praesentibus et futuris, item iudicibus, iuratis ceterisque civibus in dictis opidis nostris Megyes et Selk pro tempore constitutis harum serie firmiter praecipiendo mandamus, ita omnino habere volentes, quatenus habita praesentium notitia amodo deinceps memoratos cives, populos et iobagiones in praenotata possessione nostra Farkasthelkyn commorantes a solutione huius-[S. 195] modi census, taxae, collectarum ac contributionum et exactionum quorumcumque quam, ut praedicitur, iidem nobis aut in medium vestri qualitercumque facere haberent contra formam praemissae nostrae exemptionis infra tempus praetactum artare et compellere nullomodo praesumatis nec sitis ausi modo aliquali in singulis annis infra praetactorum decem annorum in sortem census eiusdem possessionis nostrae semper nostram ad rationem computantes. Praesentes autem post earum lecturam reddatis praesentanti. Datum Budae sabbatho proximo post festum beati Jacobi apostoli, anno domini millesimo quadringentesimo sexagesimo quarto, regni nostri anno septimo, coronationis vero primo.

Unten von der Kanzlei: lecta fiat registratus.


1) Bis hierher in verlängerter Schrift.^{^}