Urkunde Nr. 3358 aus Band VI

Seite im UB:

171-172

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. IV (Inventar 25 ), Nr. 508.

Druckvorlage:

nach Original

Abdruck als:

Volltext

Sprache:

Latein

---

3358

Stuhlweissenburg 1464 April 6 König Matthias gewährt den Bewohnern von Hermannstadt das Recht, ihren Königsrichter oder Königsgrafen selber zu wählen.

Von der Kanzlei: Commissio propria domini regis.

Nos Mathias dei gratia rex Hungariae, Dalmaciae, Croaciae et cetera memoriae commendamus per praesentes, quodlicet ex antiquo iure antiquaque consuetudine reges Hungariae iudicem seu comitem suum in civitate nostra Czibiniensi, qui scilicet inter alios iudices seu comites regios septem sedium Saxonicalium primatum tenet, totiens quotiens opus fuit, eligere et constituere soliti sunt. Tamen¹⁾ nos volentes fidelibus nostris prudentibus ac circumspectis magistro civium, iudici, iuratis ceterisque civibus et toti communitati praefatae civitatis nostrae Cibiniensis favorem nostrum regium ostendere, ut ipsa civitas nostra Cibiniensis numero populorum et fidelitate augeatur, eisdem de benignitate nostra regia et gratia speciali id annuendum duximus et concedendum, ut ipsi hac vice dumtaxat iudicem seu comitem regium in medio ipsorum eligendi et constituendi liberam facultatem et potestatem habeant. Qui quoad vixerit, dictos cives et communitatem in iuribus et libertatibus ipsorum protegere, fovere ac ea, quae de officio ipsius fienda fuerint, facere et exequi debeat, ita tamen, quod praefatus iudex seu comes ad praestandam et observandam fidelitatem et obedientiam faciendamque mandatorum nostrorum executio-[S. 172] nem semper nobis adstrictus esse teneatur. Immo annuimus et concedimus harum nostrarum vigore et testimonio literarum mediante. Datum in Alba regali feria sexta proxima post festum Paschae domini, anno eiusdem millesimo quadringentesimo sexagesimo quarto, regni nostri anno septimo, coronationis vero primo.


a) Im UB Abbildung der Urkunde auf Tafel II, unten als »Abb.. ^{^}

1) Hierauf quia radiert.^{^}

Abb.