Urkunde Nr. 3353 aus Band VI

Seite im UB:

168

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 371.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3353

Fogarasch 1464 März 2 Beide Nikolaus de Wyzakna, Grafen von Hermannstadt, gestatten dem Kronstädter Bürger Georgius Greb die auf dem Gebiete seiner Besitzung Schirkanyen rechtswidrig errichteten Häuser abzureissen.

Nos uterque Nicolaus de Wyzakna comites Cibinienses et cetera memoriae commendamus tenore praesentium significantes quibus expedit universis, quod cum valida ex necessitate in terra et oppido Fwgyras unacum iuratis senioribus eiusdem terrae pro tribunali consedissemus, nostri accessit in praesentiam circumspectus vir Georgius Greb de civitate Brassouiensi et per modum gravis querelae significare curavit, quomodo quidam Walachus Mastica nomine proprio ausu temerario ipsius Georgii praedicti in territorio Sarkan quandam villam construere et aedificare inchoavit, eidem Georgio in praeiudicium et damnum satis magnum. Cum tamen eandem possessionem Sarkan dominus noster serenissimus dominus Mathias rex sub veris et antiquis metis et limitibus universis cum pertinentiis suorum fidelium intuitu servitiorum tradidit et assignavit, nos vero per debitam inquisitionem iuratorum seniorum terrae Fwgaras cura perscrutavimus diligenti, quid ipsis eodem de territorio notum esset an constaret, ipsi vero praefati seniores pro tunc constituti nec eorundem progenitores unquam eodem in loco villam fuisse cognoscere seu memorare potuerunt. Quam ob rem, auditis et intellectis propositionibus, allegationibus et responsionibus unacum saepiusfatis senioribus terrae Fwgaras in sede iudiciaria iuxta continentias literarum regalium adiudicavimus et adiudicamus eidem memorato Georgio pacifice tenendum pariter et habendum, salvo iure alieno, annuimus etiam annotato Georgio domos in praedicto territorio sic minus iuste aedificatas destruere et funditus annihilare, harum nostrarum literarum vigore et testimonio mediantibus. Datum in praetacta Fwgaras nostro sub sigillo, quo uti consuevimus, feria sexta proxima ante dominicam Oculi mei, anno domini millesimo quadringentesimo sexagesimo quarto.