Urkunde Nr. 3341 aus Band VI

Seite im UB:

159-160

Heute in:

Bukarest, Bibliothek der Rumänischen Akademie [Biblioteca Academiei Române, București]

Druckvorlage:

nach Original

Abdruck als:

Volltext

Sprache:

Latein

---

3341

Hermannstadt 1463 Dezember 20 Die Sieben Stühle erlassen Bestimmungen über den Handel und schränken den freien Handel der Kronstädter auf dem Gebiet der Sieben Stühle ein.

Universitas Saxonum¹⁾ septem sedium Saxonicalium partium Transsilvanarum prudentibus et circumspectis viris magistro²⁾ civium²⁾<fnz> iudicibus, villicis, iura-[S. 160] tis senioribus ceterisque universis hospitibus in civitate et sede Mwlenbach ubilibet constitutis et commorantibus amicitiam semper paratam cum honore. Noveritis ut nos in hac praesenti nostra generali iudiciaria congegratione pariter constituti rei publicae commodo prout tenemur in omnibus praesertim in infrasciptis consulere cupientes parili omnium nostrorum voto et unanimi consensu infrasciptas dispositiones duximus faciendum. Primo, ut nullus omnino hominum institor videlicet vel mechanicus aut alter quicumque in villis infra ambitum ipsarum septem sedium habitis vel earum aliqua quascumque et qualescumque res suas venales dominicis vel festivis aut aliis diebus feriatis venditioni exponere sive vendere quovismodo praesumat sed solum in civitatibus et opidis ipsarum septem sedium res suas huiusmodi quascumque venditioni exponere et vendere valeat. Et si aliquis hominum, sil quicumque sit, alicubi contra id facere praesumpserit, extunc iudices illius loci a tali homine primitus unum florenum auri, secundario duos florenos auri et tertia vice res talismodi venales apud talem repertas aufferre et recipere teneantur. Secundo disposuimus, ut nullus hominum sive liber socius aut mechanicus vel alter quicumque in villis ipsis sive corium sive aliquod textile aut quascumque alias res vendere vel emere sub simili poena audeat modo aliquali praeterquam in civitatibus et opidis praenotatis. Tertio, ut nullus discipulus quacumque artem mechanicam discens in aliqua ipsarum villarum pro addiscenda huiusmodi arte servire praesumat, sed solummodo in ipsis civitatibus et opidis discere et servire teneatur. Et si quis contra id fecerit ex post in eisdem civitatibus et opidis in arte ipsa servire et artem ipsam laborare et practicare non praesumat, immo nullus artificum eum audeat conservare. Quarto, ut nullus penitus Brassoviensis aliquas res praeter vinum, avenam et triticum in eisdem villis comparare vel vendere sit ausus. Et si aliquis ex eisdem in eo comprehensus fuerit, tam vendens quam emens, sit Brassoviensis vel de septem sedibus, iidem iudices loci illius a tali debeant res huiusmodi apud talem repertas aufferre et ne quis de ignorantia praemissorum se excusare possit. Committimus et volumus, ut praemissa omnia in civitatibus, opidis et villis omnibus ipsarum septem sedium publice proclamentur. Quod et vos modis omnibus facere debeatis. Et secus nullomodo faciatis. Dalum Cibinii in profesto beati Thomae apostoli, anno domini millesimo quadringentesimo sexagesimo tertio.

Unten rechts von der Kunzlei mit dunklerer Tinte: Lecta.

<fnzt>1) Vorlage: Soxonum. </fnzt> <fnzt>2) Mit Punkten eingekreist und damit offenbar getilgt. [2x]</fnzt>