Urkunde Nr. 375 aus Band I

Seite im UB:

346-347

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Abschrift

Abdruck als:

Volltext

Sprache:

Latein

---

375

1320 Mai 25 Das Weissenburger Kapitel bezeugt, dass Beke, Kastellan von Balványos, Einsprache erhoben hat gegen Verletzung des Gebietes von Balványos durch Einwohner von Böd und Malom, Hörige von Nikolaus und Jakob, Söhne Apa's.

[S. 347] Nos capitulum Albensis ecclesiae beati Michaelis archangeli Transylvaniensis omnibus . . . . . quod Beke filius Stephani de Dengelegh castellanus de Balvanus magnifici viri Deseu vaivodae Transyluani et comitis de Zonuk coram nobis personaliter constitutus graviter exposuit, qualiter Nicolaus et Jacobus filii Apa non audito ipso magnifico viro Deseu nunc in exercituatione universitatis nobilium septem comitatuum Transylvanorum ex mandato regiae serenitatis occupato et detento per homines et iobagiones suos de terra Beud et Malun reliquisque possessionibus suis continue metas ipsius castri Balvanus infestare praesumant, quin immo licet totus comitatus de Zonuk partium Transylvanarum eiusque possessiones universae iudicio ipsius domini vaivodae vi muneris sui vaivodalis subessent, tamen ipsi contempta auctoritate domini vaivodae differentiam metarum coram magistro Demetrio tavernicorum domini regis per dominum regem pro iudice ad capitulum nostrum contra hospites de Ompoicza et Obrudbana deputato in derogamen ipsius domini vaivodae valde magnum dirimendam trahere pertinaci ausu voluerint, hinc ne per inauditum attentatum isthoc iuribus domini vaivodae et comitis de Zonuk partium Transylvanarum, cui quidem comitatui praedecessores quoque sui vaivodae Transylvani ab olim iugiter profuisse plena potestate dignoscuntur, detrimentum inferri contingat contra filios Apa dictos protestando coram nobis contradixit harum nostrarum vigore et testimonio literarum mediante. Datum in octavis Pentecostes, anno domini M^o CCC^o. XX^o.