Urkunde Nr. 3300 aus Band VI

Seite im UB:

130-132

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 159.

Druckvorlage:

nach Original

Abdruck als:

Volltext

Sprache:

Latein

---

3300

Bei Turia/Torja 1462 November 21 Der königliche Sonderrichter Nikolaus Bodo, Propst von Weissenburg, u.a. bezeugen, dass die Kronstädter Kaufleute auf Grund früherer Privilegien durch den Szeklerstuhl Kizdi und über Turia in die Moldau Handel treiben dürfen.

Nos Nicolaus Bodo praepositus ecclesiae Albensis, secretarius cancellarius regius ac Gaspar similiter Bodo de Gyeorgy, comes comitatus Tholnensis et magister Gregorius de Dersanovcz personalis praesentiae ac iudicis curiae regiae maiestatis prothonotarius per serenissimum principem dominum Mathiam dei gratia regem Hungariae, Dalmaciae, Croaciae et cetera dominum nostrum naturalem gratiosum in Sebsy, Orbay, Kyzdy, Chyk et Gyorgio in persona eiusdem iudices deputati memoriae commendamus tenore praesentium significantes quibus expedit universis, quod in congregatione nostra generali universitati eorundem Siculorum dictae sedis Kyzdy feria quinta proxima ante festum beatae Elizabeth viduae¹⁾ de speciali commissione eiusdem domini nostri regis prope oppidum Thorya Vasarhel unacum iuratis nostris assessoribus celebrata circumspectus Petrus Wyroh, iuratus civis civitatis Brassouiensis de medio aliorum in nostram exurgentium praesentiam, sua ac circumspectorum et prudentum virorum iudicis, iuratorum ceterorumque civium et inhabitatorum eiusdem civitatis Brassouiensis et pertinentiarum eiusdem universorum nominibus et in personis contra belliductorem Siculorum dictae sedis Kyzdy ac iuratos et seniores necnon alios universos Siculos ad dictam sedem Kyzdy pertinentes proposuit eo modo; Quod quamvis ipsi et eorum quilibet antiqua ipsorum libertate exigente, ferramenta in labore existentia et alias res ipsorum mercimoniales per ipsorum medium ubilibet et signanter in oppido Thorya Wasarhel versus partes Moldauiae absque omni solutione et exactione ac molestia ad ipsas partes Moldauiae deferre et abinde consimiliter res mercimoniales cuiuscumque generis existant apportare et apportari facere, semper liberi exstiterint et securi. Tamen nunc ipse belliductor ac seniores et iudices ipsorum Siculorum in dicta sede Kyzdy existentes, huiusmodi libertate eorundem civium et inhabitatorum dictae civitatis Brassouiensis et ad eos pertinentium non curata, sed introducta quadam abusiva et inusitata consuetudine, ipsos et eorum alterum cum huiusmodi ferramentis ac rebus et bonis mercimonialibus eorundem et venalibus pacifice et sine solutione ire et redire non permitterent. Sed in ipso oppido Thorya Vasarhel ac via eiusdem partis Moldauiae ab eisdem civibus scilicet et rebus et bonis ipsorum mereimonialibus et ferramentis quandam pecunia-[S. 131] riam solutionem et exactionem nomine honoris seu muneris collateralem, quae ultra et plusquam iustum tributum alias solvere dictarent, etiam cum ipsorum dampnis et gravaminibus exegissent et extorsissent exigereque non cessarent etiam de praesenti potentia ipsorum mediante, in praeiudicium et derogamen libertatis eorundem exponentium et dampnum valde magnum et in horum verborum suorum dictaeque libertatis et consuetudinis ipsorum comprobationem. Idem Petrus Wyroh iuratus civis Brassouiensis quasdam literas praeceptorias serenissimi principis condam domini Sigismundi Romanorum et Hungariae et cetera regis praedecessoris nostri recolendae memoriae Cassouia secundo die festi penthecostes anno domini millesimo quadringentesimo decimo nono²⁾, regnorum suorum anno Hungariae et cetera tricesimo tertio, Romanorum vero nono, ad relationem condam domini Benedicti similiter praepositi ecclesiae Albae regalis patenter emanatas nostro iudiciario examini curavit demonstrare. In quibus inter alia vidimus contineri, quod idem condam dominus Sigismundus rex universis et singulis Siculis suis regalibus ad sedes Sebsy et Kyzdy praedictas pertinentibus firmissimo suo regio edicto dedisset in mandatis seriose, ut ipsi eosdem cives Brassouienses et ad ipsos pertinentes in delatione et apportatione huiusmodi ferramentorum et aliarum quarumque rerum et bonorum ipsorum mercimonialium cuiuscumque generis et maneriei existant, per eosdem hincinde fienda in nullo impedire seu quovismodo molestare et nec aliqua munera collateralia³⁾ ratione praevia ab ipsis et ad ipsos pertinentibus quocumque temporum in successu innitae vel aliter qualitercumque exigere et extorquere praesumerent, sed eosdem et quemlibet eorum semper et omni tempore cum huiusmodi rebus et bonis ipsorum mercimonialibus cuiuscumque generis et maneriei existant, per medium et tenutas ipsorum ad dictas partes Moldauiae ire et redire permittere er permitti facere. Non obstantibus etiam aliis suis literis in contrarium earundem literarum suarum alias Sandrino Siculo Bongo dicto sedis Kyzdy et filiis suis datis et emanatis deberent et tenerentur. Quibus quidem literis exhibitis, propositionibusque praefati Petri Vyroh iurati civis Brassouiensis auditis et intellectis, Demetrius de Nyovthod ac Mathias Bekes et Dominicus de eadem Nyoythod de medio aliorum in eandem nostram exurgentes praesentiam in ipsorum ac aliorum universorum Siculorum praetactae sedis Kyzdy nominibus et personis responderunt ex adverso, quomodo ipsi ab eisdem civibus civitatis Brassouiensis et nec ad ipsos pertinentibus scilicet neque de rebus et bonis ipsorum mercimonialibus nec nomine honoris aliquod munus collateralis et neque aliter aliquam solutionem pecuniariam exegissent, et neque eosdem et ad ipsos pertinentes ad eiusdem solutionem artassent et compulissent. Sed hoc verum esset, quod ipsi Siculi in confinibus et metis partium Moldauiae existentes a praefato domino nostro Mathia rege aliisque praedecessoribus suis regibus Hungariae specialiter habuissent in commissis, ut nulli omnino hominum cuiuscumque nationis et linguagii sint et existant ferrum, calibem, arma et alia bellicosa ingenia ad ipsas partes Moldauiae ex hoc regno deferre et exportari permittere deberent. Sicque ipsi Siculi eisdem actoribus huiusmodi ferrum, calibem, arma et similia ingenia bellicosa iuxta huiusmodi regium edictum exportare non permisissent et nec permittere vellent, quousque regia clementia eisdem actoribus superinde remedium adhiberet opportunum gratiose. Et ob hoc ipsi in causam attracti in totali praemissa actione et aquisitione dictorum actorum innocentes haberentur penitus et immunes. Quibus sic habitis et perceptis partibusque praedictis se in praemissis ad veridicam attestationem praefatorum iuratorum nostrorum assessorum per nos legittime requirendorum benivole committentibus et submittentibus. Cum nos eosdem iuratos nostros assessores pro dicenda veritate et iustitia conservanda super praemissis requisitos habuissemus, iidem ad fidem eorum deo debitam fideli-[S. 132] tatemque dicto domino nostro regi et eius sacro regio dyademati observandam tacto dominico crucis signo per eos coram nobis praestitam taliter unanimi et concordi testificatione attestarunt et affirmarunt, ut praelibati cives et inhabitatores dictae civitatis Brassouiensis et ad ipsos pertinentes omnino nullum solutionem et exactionem nec de ipsorum personis et nec rebus et bonis mercimonialibus et aliis quibusvis eorundem cuipiam dare et solvere extitissent, et nec ipsi Siculi ab eisdem aliquam pecuniam seu munera collatoralia exegissent et nec exigerent. Scilicet iidem cives et hospites et ad ipsos pertinentes cunctas ipsorum res mercimoniales cuiuslibet generis demptis tantummodo armis militaribus ferroque et calibeque solum ex indulto et gratia regia venditionis causa ad ipsas partes Moldauiae deferre poterunt, liberam et securam habuissent et nunc haberent potestatem. Quibus sic habitis et perceptis quia ex allegatione et responsione praelibati Demetrii de Nyoythod et aliorum praedictorum necnon annotatorum iuratorum nostrorum assessorum veridica attestatione praelibatarumque literarum praefati condam domini Sigismundi regis ex continentiis in superioribus sensualiter declaratis, annotatos actores et ad ipsos cunctos pertinentes a qualibet pecuniaria et munerum⁴⁾ collateralium aliaque solutione ratione praevia liberos et exemptos fore comperimus. Ob hoc nos rationibus et causis ex praemissis eorundem iuratorum nostrorum assessorum requisito et assumpto superinde consilio prematuro antefatos cives et inhabitatores dictae civitatis Brassouiensis ac ad ipsos pertinentes in praescriptis eorum libertatibus, quibus ab olim usi sunt, freti et gavisi relinquentes, omnem illam solutionem et exactionem pecuniariam vel aliarum quarumcumque quomodolibet vocatarum quae etiam nomine, honoris aut muneris collatoralis vel alterius calumpniae adiuvante, aliqualiter exactae et receptae extitissent modo aliquali revocantes, corrumpentes retractantesque et invalidantes, iudicantes commisimus eomodo, ut a modo deinceps futuris semper temporibus successivis annotati cives et inhabitatores dictae civitatis Brassouiensis et alii universi ad ipsos pertinentes cum omnibus ipsorum rebus et bonis mercimonialibus et ferramentis, demptis tantummodo praedictis videlicet ferro, calibe et armis, quae in aliquo apparatu et labore disposita et occupata non existunt ad easdem partes Moldauiae per terras et tenutas ipsorum Siculorum ubilibet ire et redire, ac easdem res et bona ipsorum mercimonialia vel alia venditioni exponere valeant atque possint pacifice et libere. Et nec belliductores et alii Siculi universi aunotatos cives et hospites ac inhabitatores praelibatae civitatis Brassouiensis et ad ipsos pertinentes ratione et praetextu non huiusmodi pecuniarum vel rerum nomine honoris vel muneris extra praescriptas ipsorum libertates ipsis gratiose concessas artare et compellere seu quovismodo dampnificare et impedire praesumpmant, sed ipsis civibus et inhabitatoribus praelibatae civitatis Brassouiensis ac ad ipsos pertinentium universis eisdem libertatibus quibus praecedentes usi freti fuerunt et gavisi irrefragabiliter frui, potiri et gaudere permittant et permitti facere debeant, auctoritate nostra iudiciaria mediante. In cuius rei memoriam firmitatemque perpetuam praesentes literas nostras patentes, pendentis sigilii nostri munimine roboratas, eisdem civibus et inhabitatoribus civitatis Brassouiensis et ad ipsos pertinentium eorumque heredibus et successoribus universis duximus concedendas. Datum quarto die termini praenotati in loco memorato, anno domini millesimo quadringentesimo sexagesimo secundo.

Auf der Rückseite von gleichzeitiger Hand: Pro litera ista soluti sunt florenos XXVII. [S. 133]


1) November 18.^{^}
2) 1419 Juni 5, vgl. Ub. IV Nr. »1861. ^{^}
3) Vorlage Colleteralia. ^{^}
4) Vorlage irrig numerum. ^{^}