Urkunde Nr. 3292 aus Band VI

Seite im UB:

124-125

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Zunfturkunden [Documente de breaslă] (Inv. 32), Serie Z. U. I, Nr. 10.

Druckvorlage:

nach Original

Abdruck als:

Volltext

Sprache:

Latein

---

3292

Hermannstadt 1462 September 30 König Matthias verbrieft den Hermannstädter Tuchscherern das Recht, Tuche in beliebigen Mengen zu kaufen, zu scheren und wieder zu verkaufen.

Von der Kanzlei: Commissio propria domini regis, Benedicto de Thurocz ianitorum regalium referente.

Nos Mathias dei gratia rex Hungariae, Dalmaciae, Croaciae et cetera memoriae commendamus tenore praesentium significantes quibus expedit universis, quod nos ad humillimae supplicationis instantiam fidelium nostrorum rasorum pannorum in civitate nostra Cibiniensi commorantium per eos nostrae propterea porrectae maiestati de plenitudine nostrae regiae potestatis et gratia speciali eisdem rasoribus pannorum praesentibus scilicet necnon et futuris id duximus annuendum et concedendum, ut ipsi tam in ipsa civitate nostra Cibiniensi, quam etiam aliis ubilibet in hiis partibus regni nostri Transsilvanis pannos cuiuslibet maneriei et speciei a modo deinceps futuris temporibus universis, sicuti quaecumque alii emptores venditoresque ac incisores et rasores pannorum soliti sunt libere emere, incidere radereque ac per ulnas et alias quaslibet [S. 125] mensuras aliterque prout eisdem videbitur vendere et exponere possint et valeant, prout etiam alios ipsos rasores pannorum ab antiquo ad haec facienda liberos fuisse intelleximus. Quocirca vobis fidelibus nostris magnificis vaivodis ac vicevaivodis necnon comitibus ac vicecomitibus Siculorum nostrorum dictarum partium nostrarum Transsilvanarum item comiti ac vicecomiti Cibiniensi, necnon magistro civium ac iudicibus iuratisque civibus et senioribus praefatae civitatis nostrae Cibiniensis ac duarum et septem sedium Saxonicalium necnon et universis Saxonibus earundem sedium ac aliis quibusvis hominibus, praesentibus et futuris praesentium notitiam habituris, harum serie firmiter praecipientes mandamus, quatenusa modo deinceps praefatos rasores pannorum in dicta civitate nostra Cibiniensi nunc commorantes et in futurum commoraturos pannos quoslibet quos iidem voluerint, tam in dicta civitate nostra Cibiniensi, quam etiam alias ubilibet in dictis partibus nostris Transsilvanis libere emere¹⁾, incidere, radere ac per ulnas et alias mensuras aliterque prout ipsis videbitur vendere et exponere permittere debeatis. Nec eis aut aliquem eorum occasione praemissorum²⁾ in personis rebusque et bonis eorum quibuslibet impedire molestare aut damnificare³⁾ aliquo unquam tempore praesumatis, gratiae nostrae sub obtentu. Praesentes quoque perlectos semper post earum lecturam redatis praesentanti. Datum Cibinii feria quinta proxima post festum beati Michaelis archangeli, anno domini millesimo quadringentesimo sexagesimo secundo.


1) Hierauf von späterer Hand und mit anderer Tinte asperare.^{^}
2) 10 mm im Bug unleserlich.^{^}
3) ni über der Zeile nachgetragen.^{^}