Urkunde Nr. 3254 aus Band VI

Seite im UB:

102-103

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 51.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3254

Klausenburg 1461 April 18 Der Rat von Klausenburg leitet die Streitsache zwischen seinen Mitbürgern Balthasar Craws und Jakob Polkyscher um einen Feuerschaden an den Bistritzer Rat weiter.

Iudex et iurati cives civitatis Coluswariensis prudentibus et circumspectis viris iudici et iuratis civibus civitatis Bystriciensis, fratribus et amicis nostris [S. 103] sincere dilectis. Prudentes viri fratres et amici praefavendi. In nostram nostraeque universitatis accedentes in praesentiam Barthasar¹⁾ Craws dictus necnon Jacobus Polkyscher concives nostri et per eundem Balthasar contra dictum Jacobum propositum extitit pariter et relatum, quomodo ipse satis ingens ac intollerabilem dampnum ex parte ignis incendii in horreo ipsius Jacobi exorti ac resuscitati percepisset cuius dampni recompensam et satisfactionem ab ipso Jacobo expeteret ordine iuris mediante. Quo audito ipse Jacobus respondit ex adverso, quod ipse non negaret ipsum ignem in suo non vidisse horreo²⁾, sed unde et a quo ipse ignis habuisset initium aut exortum penitus ignoraret, ipse Jacobus pro se et suis niteretur respondere prout ordo iuris exposceret et requirit. Praefatus vero Balthasar sua proposita volens affirmare, adduxit fidedignos homines videlicet Cristannum sartorem, Andream fabrum, Fabianum similiter fabrum, Lucam clipificem et Paulum Nigrum, qui praestitis iuramentis recognoverunt, quomodo ipsum ignem primo in horreo ipsius Jacobi vidissent, sed quod ipsum incendium per praemissum Jacobum veraciter foret perpetratum nulla iis in hac parte constaret veritatis certitudo. Insuper duae mulieres fassae extiterant, quomondo unum luminem in medio curiae ipsius Jacobi iam aurora fere lucente vidissent. Nos igitur auditis partium propositionibus, attestationibus pariter et responsis talem inferre decrevimus sententiam videlicet, quod ipse Balthasar iunctis sibi duabus fidedignis personis videlicet mettertius sacramentum sincerae fidei, quantum dampni dinoscitur percepisse praestare teneatur. Extunc eiusmodi dampni medietatem ipse praelibatus Jacobus eo quod et ipse particeps foret ipsius dampni, praenotato Balthazar recompensare debeat et teneatur. Sed antedictus Jacobus cum de nostra diffinitiva sententia non staret contentus causam suam vestrae prudentiae ad deliberationem studuit prorogandam seriem vestrae agnitionis in praemissis nobis tandem petimus favorabiliter transmitti. Datum ex Coluswar sabbato proximo ante festum beati Georgii martyris, anno domini millesimo quadringentesimo sexagesimo primo.


1) So Vorlage.^{^}
2) Uber der Zeile nachgetragen.^{^}