Urkunde Nr. 3247 aus Band VI

Seite im UB:

97-98

Heute in:

Kronstadt, Archiv der Honterusgemeinde

Heutige Signatur:

IV F 1 (Sammlung Trausch) Tq (Manuskripte in Quart) 80 (Diplomatarium Transilvanico-Saxonicum) Vol. III, Text Nr. 463.

Druckvorlage:

nach Abschrift

Abdruck als:

Volltext

Sprache:

Latein

---

3247

Hermannstadt 1461 Februar 8 Antonius de Pozna, Registrator des Graner Erzbischofs Dionysius, bestätigt, vom Hermannstädter Kapitel die Konfirmationstaxe für den Dechanten Michael, Pleban von Grossau, erhalten zu haben.

Antonius de Pozna nomine et in persona reverendissimi in Christo patris et domini D. Dyonisii archiepiscopi Strigoniensis et cetera, registrarius domini mei gloriosissimi, fateor¹⁾ recognoscendo me die datarum praesentium a venerabilibus dominis Michaele baccalaureo in decretis, decano Cibiniensi de Insula Christiana et Valentino artium baccalaureo de Cibinio comm.²⁾ ecclesiae Transilvanae plebanis nominibus et in personis omnium et singulorum dominorum ecclesiarum parochialium plebanorum capituli Cibiniensis, iurisdictione Strigoniensis, ratione et praetextu annotati domini Michaelis confirmatione, quam annotatus dominus magister Dionysius archiepiscopus ipsi domino decano mecum transmiserat, ipsamque confirmationem praelibatam dominis praesentibus honorabilibus dominis Caspar de villa Epponis plebano, Matthia de Lautrendorff, Petro de Bros, Alberto Berman de Cibinio, Georgio Textoris similiter de Cibinio inibi capellanis ac magistro Urbano publico notario, ecclesiae parochialis Cibiniensis organistae, in testimonium veritatis ad pecuniam vocatis et rogatis, assignavi XL et unum florenum auri hungaricalis pro notario eiusdem domini mei archiepiscopi ratione sui salarii iuxta antiquam consuetudinem et secundum iterum unum florenum auri eidem notario per antea dictos dominos amicabiliter et voluntarie propinatum a praedictis dominis recepi. Pro quibus vero florenis auri quadraginta duobus tam [S. 98] pro confirmatione super decanatus, quam notarii iam expressarum, praedictos dominos decanum et capituli Cibiniensis plebanos universos reddo quitos, absolutos et per omnia expeditos harum mearum literarum sigillo meo consignatarum. Datum Cibinii in festo beatae Helenae christianissimae reginae, anno 1461.

Urbanus Petri de Stynavia notarius in praemissis.


1) Vorlage frater.^{^}
2) So Vorlage.^{^}