Urkunde Nr. 3244 aus Band VI

Seite im UB:

95-96 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 837 - Abt. 21: K. A. Henndorf [Parohia Ev. CA Hendorf / Brădeni ], Nr. 5.

Druckvorlage:

nach Original

Abdruck als:

Volltext

Sprache:

Latein

---

3244

Rom 1461 Januar 1 Der Kardinalpriester Philipp gewährt Nicolaus Petri, dem Pfarrer von Neustadt, das Recht, sich einem Beichtvater zu wählen. [S. 96]

Philippus miseratione divina tituli sancti Laurencii in Lucina presbiter cardinalis dilecto in Christo Nicolao Petri presbitero, plebani in Novacivitate Albensis diocesis, salutem in domino. Solet annuere sedes apostolica prius votis et honestis petentium precibus maxime ubi salus requiritur animarum favorem benivolum impartiri. Cum igitur ex parte tua nobis fuerit humiliter supplicatum ut in animae tuae solatium eligendi confessorem idoneum tibi licentiam concedere dignaremur, nos tuis supplicationibus favorabiliter annuentes auctoritate domini papae cuius poenitentiariae curam gerimus et de eius speciali mandato super hoc vivae vocis oraculo nobis facto devotioni tuae concedimus, quatenus liceat tibi idoneum et discretum presbiterum in confessorem eligere, qui super peccatis quae sibi confiteberis nisi talia sint propter q[uae]¹⁾ merito sit sedes apostolica consulenda tibi auctoritate praedicta provideat de absolutionis debitae beneficio et poenitentia salutari quamdiu vixeris, quotiens fuerit opportunum. Vota vero peregrinat ionis et abstinentiae, si qua emisisti, quae commode servare non potes ultramarino beatarum Petri et Pauli atque Jacobi apostolorum votis dumtaxat exceptis commutet tibi, idem confessor in alia opera pietatis. Datum Romae apud sanctum Petrum sub sigillo officii poenitentiariae, kalendis Januarii, pontificatus domini Pii papae anno tertio.

Auf der Rückseite von der Kanzlei: Regestrata gratis, G. de Venrayde, Io. Weythasen.

Von anderer Hand: Vositis Conano.


a) Seitenumbruch nach Kopfregest.^{^}

1) Lücke 5 mm.^{^}