Urkunde Nr. 3240 aus Band VI

Seite im UB:

93-94

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 210.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3240

Sanktmartin 1460 November 2^a) Die siebenbürgischen Vizewoiwoden Sigismund de Sarthwan und Nikolaus d. Ae. von Salzburg ersuchen das Weissenburger Kapitel, bei der Einführung des Peter von Rothberg in die Besitzung Petersdorf und das Prädium Rependorf mitzuwirken.

Amicis eorum reverendis capitulo ecclesiae Transsilvanae Sigismundus de Sarthwan et Nicolaus senior de Wyzakna vicevaivodae Transsilvani amicitiam paratam cum honore. Dicitur nobis in persona egregii Petri de Rufomonte civis civitatis Cybiniensis, quomodo ipse in dominium cuiusdam possessionis Peterfalwa et praedii Repafalwa vocatarum, penes sese in comitatu Albensi existentium habitarum legittime vellet introire. Super quo vestram amicitiam praesentibus petimus diligenter, quatenus vestrum mittatis hominem pro testimonio fide dignum, quo praesente Stephanus de Hozywtelk [S. 94]aut Petrus de Wezzewd seu Laurencius de eadem, sive Johannes de Kereky, sin Ladislaus de eadem, aliis absentibus, homo noster ad facies praedictarum possessionis Peterfalwa et praedii Repafalwa vicinis et commentaneis earundem inibi legittime convocatis et praesentibus accedendo introducat eundem Petrum titulo pignoris in dominium earundem statuatque easdem, cum cunctis earundem utilitatibus et pertinentiis quibuslibet eidem praemisso pignoris titulo sibi incumbentibus possidendas, si non fuerit contradictum, contradictores vero si qui fuerint evocet ipsos contra annotatum Petrum nostram in praesentiam ad terminum competentem rationem contradictionis eorum reddituros. Et post haec huiusmodi possessionariae introductionis et statutionis seriem cum contradictorum et evocatorum si qui fuerint vicinorumque et commetaneorum, qui ibi intererunt, nominibus terminoque assignato nobis amicabiliter rescribatis. Praesentes vero propter sigilii nostri carentiam sigillo praecedentium vicevaivodarum, quo ipsi in exerciendis causis nostri in medio utebantur fecimus consignari. Datum in Zenthmarthon secundo die festi omnium sanctorum, anno domini millesimo quadringentesimo sexagesimo.


a) Ausstellungsort im UB als: Tîrnăveni [heute: Târnăveni].^{^}